سلاسته كانت مرعبة ومأثر فينا.. أبرز تصريحات زوجة ونجل الموسيقار عمار الشريعي

زوجة ونجل عمار الشريعي

حل كلًا من زوجة ونجل الموسيقار عمار الشريعي ضيوف برنامج معكم منى الشاذلي، وكشفوا العديد من الأسرار عن حياتهم لأول مرة.

أبرز تصريحات زوجة ونجل عمار الشريعي

– عمار الشريعي كان بيتحرك بـ سلاسة مرعبة رغم أنه كفيف

– لما كنا بنسافر ونروح مكان جديد كنت بشرحله تفاصيل البيت مرة واحدة فقط لأنه عنده ذاكرة صورية قوية

– عمار كان بيعد السلالم بالخطوات وكان بيتعامل باستقلالية ومش بيحب حد يعمله حاجة

– عمار مكنش عايز يحس أنه ناقصة حاجة ودي طبيعته وكان بيستمتع وأنا بقرأ له الأخبار الرياضية قبل ظهور الكمبيوتر

– وكان لازم كل الجرايد تكون موجودة في البيت

– بعد ظهور الإنترنت استقل بنفسه وبقى يجيب الأخبار من النت ومبقاش محتاج حد

– صحابه كانوا بيقولوا لي دا عمره ما هيتجوز ولكن كان فيه بينا قصة حب استمرت 3 سنين

– أنا كنت مؤمنة بيه ومصدقاه وفي أول مقابلة بينا كان فيه حالة كيمياء وشغف

– زمان لما كنت بروح أعزي كنت بقول الحزن بيتولد كبير وبعدين بيصغر لكن موت عمار الحزن عمره ما صغر

– مش مستوعبة الـ 10 سنين وحاسه أنه مرحش

– عمار كان حاسس أنه مش هيكمل وكان بيحاول ينقل كل خبراته لابنه

– أنا حاسة إني اديت الرسالة وابني اتخرج وكبر وكان نفسي عمار يحضر لحظة تخرجه بس ملحقش

-كان نفسي أحقق اللي عمار كان بيتمناه وكنا بنحلم بيه ولكن بعد وفاته بقيت لوحدي

أبرز تصريحات نجل عمار الشريعي

– بفرح لما حد يقولي إني نسخة من والدي

-والدي توفي وأنا 14 سنة فقط ولكنه كان معايا في كل مرحلة في حياتي

– بحس إنه مأثر فيا في كل شيء وبفرح لما حد يقولي إني نسخة طبق الأصل منه

-أهل والدي قطعوا علاقتهم به لأنه من عائلة كبيرة في الصعيد ومكنش ينفع ابنهم يطلع مزيكاتي

نجل عمار الشريعي: بفرح لما حد يقولي إني نسخة من والدي

كما كشف مراد، نجل عمار الشريعي، تفاصيل علاقته بوالده وتأثره به، قائلًا: والدي توفي وأنا 14 سنة فقط، ولكنه كان معايا في كل مرحلة في حياتي، وبحس إنه مأثر فيا في كل شيء، وبفرح لما حد يقولي إني نسخة طبق الأصل منه، وأهل والدي قطعوا علاقتهم به، لأنه من عائلة كبيرة في الصعيد ومكنش ينفع ابنهم يطلع مزيكاتي.