أعلن المخرج بيتر ميمي عن تفاصيل جديدة لفيلم “المشروع X”، وكشف عن توفير 4 تجارب مختلفة للمشاهدين داخل السينمات، علشان يقدم تجربة بصرية وسينمائية غير تقليدية.
بيتر نشر بوست عبر حسابه الرسمي، وأوضح إن الفيلم هيُعرض بتقنيات متنوعة، منها 4DX وMX4D، بالإضافة إلى نسخ بتقنية الـScreen X وD-Box، علشان كل مشاهد يختار الطريقة اللي تناسبه في مشاهدة الفيلم.
الفيلم بيجمع مجموعة كبيرة من النجوم، وبيقدّم نوع من الإثارة والخيال العلمي، وبيعتبره ميمي تجربة مختلفة تمامًا عن أعماله السابقة، من حيث الفكرة وطريقة التنفيذ.
الجمهور تفاعل بشكل كبير مع إعلان بيتر ميمي، وعبّر عدد كبير من المتابعين عن حماسهم لتجربة الفيلم بأكتر من تقنية، خاصة إن السوق المصري لسه بيبدأ يواكب التطورات دي في العرض السينمائي.
