في وقت بقت فيه الضغوط اليومية جزء من حياتنا، بقى النوم الكافي رفاهية مش سهلة على الكل. لكن الجديد اللي بتأكد عليه الدراسات الحديثة إن قلة النوم مش بس بتتعب الجسم دي كمان بتدمّر الصحة النفسية!
خبراء الصحة النفسية بيقولوا إن النوم العميق والمنتظم بيساعد المخ على “فلترة” المشاعر السلبية، وبيخلّي الإنسان أهدى، أكتر تركيزًا، وأقدر على التعامل مع التوتر
وفي المقابل، الناس اللي بتسهر كتير أو بيناموا عدد ساعات أقل من المطلوب، بيكونوا أكثر عرضة للقلق، الاكتئاب، واضطرابات المزاج. كأن العقل ما بياخدش فرصته يرتاح ويعيد تنظيم أفكاره
ومن النصائح اللي اتجمعت لتحسين جودة النوم:
أبعد عن الموبايل قبل النوم بساعة
خلّي معاد نومك ثابت كل يوم، حتى في الإجازات
حاول تمارس رياضة خفيفة أو تأمل بسيط قبل ما تنام
وابعد عن الكافيين بالليل.
