حسن شاكوش عن طليقته ريم طارق: عندها هوس شهرة.. واستلمت منقولاتها الشخصية بالتراضي

المهرجانات حسن شاكوش

أكد مؤدي المهرجانات حسن شاكوش، على أن طليقته ريم طارق استلمت جميع منقولاتها بالتراضي، وقدمت فيديو الاعتذار على صفحتها دون إجبار.

حسن شاكوش عن ريم طارق: عندها هوس شهرة

وكتب حسن شاكوش عبر حسابه الشخصي على موقع تبادل الصور والفيديوهات إنستجرام: تم استلام منقولاتها الشخصية بكل تراضي واحترام بدون أي شجارات وبحضور شهود، هي وافقت على الاعتذار وأنا لم أجبر أحد على فعل أي شيء.

وتابع: والخاتمين اللي كانوا في ايدها دليل على أنها أخدت الشبكة، الموضوع خلص والقصة دلوقتي قصة واحدة عندها هوس الشهرة، واستغلال وسائل الصحافة والإعلام والتريند باسمي.

ريم طارق: كل اللي حصل كان لعبة وفيلم

وسبق وأن كشفت ريم طارق، طليقة حسن شاكوش، أنه تم إجبارها على تسجيل مقطع فيديو تعلن فيه الصلح مع طليقها من أجل الحصول على أغراضها في منزل الزوجية.

وقالت ريم طارق في مقطع فيديو عبر خاصية استوري: كان إجباري عليا أعمل الفيديو قصاد أني أخد حاجتي، وفعلا عملت الفيديو عشان أخد حاجتي، وبعد ما أخدتها الفيديو نزل، والمفروض مكانش ينزل الا بعد ما المشكلة تخلص.

وتابعت: بس هرجع وأقول مفيش صلح حصل، وكل اللي حصل كان فيلم ولعبة عليا عشان السوشيال ميديا والإعلاميين يهاجموني، رضوى أنتي متعرفيش أنا اتعرضت لأيه عشان أعمل الفيديو دا، وكل حاجة اتكلمت فيها قبل كدا كانت بدليل، وكل حاجة معايا، وأنا قولت أن الصلح خير لكن واضح أن الطرف التاني مش حابب دا.

فيديو ريم طارق

وعلى صعيد أخر، أعلنت الفنانة ريم طارق، طليقة الفنان حسن شاكوش عن انتهاء أزمتها مع مطرب المهرجانات الشهير، مشيرة إلى أنها حصلت على جميع حقوقها الشرعية وما حدث بينها وبين طليقها سوء تفاهم.

وقالت ريم طارق في فيديو لـ قناة هي: الحمدلله اخدت كل حقوقي الشرعية من حسن، والحمدلله اني طلعت شخص كويس، وهو كمان شخص كويس، وراجل محترم، وكل اللي حصل ده كان سوء تفاهم وتدخل أكتر من طرف، وأي حد سيرته جت في الموضوع سواء من أهله او من اهلي او مامته ف حقهم على راسي وكل شئ قسمة ونصيب.