طليقة حسن شاكوش ترفض الاعتذار لـ حورية فرغلي بعد شائعة ارتباطها بمطرب المهرجانات

ريم طارق

كشفت ريم طارق طليقة مطرب المهرجانات حسن شاكوش، حقيقة تلميحها عن وجود علاقة تربط طليقها والفنانة حورية فرغلي أثناء زواجهما.

وقالت ريم طارق خلال تصريحات تلفزيونية: أنا محاسبش ست، الشخص ده لو مكتفي بالبنت اللي اتجوزها مش هيبص لحد، الناس بتقولي أبسط حاجة روحي لجوزك مش هروح للغريبة أقولها ليه بتعملي كده، ولا هقعد أحارب في الناس، أنا بشوف أن الشخص لو مش محترم الشخصية اللي معاه خلاص يسيبه لحد تاني يقدره ويحترمه.

وأما عن تقديمها اعتذارًا للفنانة حورية فرغلي، فأكدت ريم طارق أنها لن تعتذر لها: حورية فرغلي قالت أني مذكرتش اسمها وأني قولت حرف بس، وهي مش زعلانة وأنا مجبتش سيرتها، ومش هعتذر لأني مقولتش مين الشخصية.

أول تعليق من حورية فرغلي على أنباء علاقتها بـ حسن شاكوش

ومن ناحية أخرى، سبق وأن علقت الفنانة حورية فرغلي، على حديث ريم طارق طليقة حسن شاكوش، والتي زعمت بوجود علاقة بين طليقها والفنانة أثناء فترة زواجهم، إذا قالت في تصريحاتها: والله عمري ما شفت حسن شاكوش ولا أعرفه شخصيًا، تابعت تصريحات طليقته أن ثالث حرف من اسم الفنانة راء، مش حورية بس ما في شيرين !؟، أنا أصلا مبصاحبش أكيد مش هعرف راجل متجوز، وأنا مش كده خالص، ومع احترامي لشاكوش أنا مش بتاعت الكلام ده، آخري صداقة، ولكن أنا عمري ماشفتوش حتى بسمع بنت الجيران اللي هي مش عليها صورته، ولو الموضوع انتشر بالشكل ده هرفع قضية تشهير.

مقاييس الجمال من وجهة نظر حورية فرغلي

وكشفت حورية فرغلي مقاييس الجمال بالنسبة لها قائلة: مقاييس الجمال مش الجسم الواو ولا الوش الواو، لكن الأهم من جوه تكوني عاملة إزاي لأن اللي جوه هو مرايتك.. لو وحشة أو حلوة هتطلع في وشك مش بحب البنت اللي واخدة قلم في نفسها. 

وأشارت حورية إلى أنها يتبقى لها عملية واحدة ولكنها تريد أن تأخذ استراحة من العمليات قائلة: فاضل عملية لازم تتعمل ولكن تعبت وعاوزة ارتاح وبعدين هشوف.

على جانب آخر، كشف حورية فرغلي أنها تحضر حاليًا للمشاركة في مسرحية وفيلم جديدان خلال الفترة المقبلة. 

مواصفات شريك أحلام حورية فرغلي

وسبق أن كشفت الفنانة حورية في حوار لها مع الفنانة حورية فرغلي، المواصفات التي تتمنى أن تجدها في الشخص الذي تريد أن ترتبط به، قائلة: يكون بيعرف ربنا ويراعي ربنا فيا، ويحسسني إني أجمل واحدة في العالم، وميخونيش ولا يبص لحد تاني، ويكون طيب أوي، ومش شرط يكون غني.

وأكدت حورية فرغلي أنها لن تقبل بأن تكون زوجة ثانية، كما أنها لن تتزوج برجل يصغرها في السن، مردفة: عمري ما هصاحب أنا مش في أمريكا عشان يبقى عندي صاحب، أنا حجيت 7 مرات، ومش هتجوز غير البني آدم اللي مش هقدر أتنفس من غير وجوده في حياتي.

يُشار إلى أن حورية فرغلي خضعت مؤخرًا لعملية جراحية لإزالة الرحم، بعد اكتشافها وجود 9 أورام خبيثة بالرحم، الأمر الذي اضطرها لاستئصاله حتى لا يتفاقم الأمر.