المطرب لؤي
حل المطرب لؤي، ضيف على برنامج مساء dmc، الذي تقدمه الإعلامية ايمان الحصري، والذي كشف خلاله عن عدد من التصريحات منها سبب غيابه عن الغناء خلال السنوات القليلة الماضية.
تصريحات لؤي في مساء dmc
كشف لؤي عن سبب غيابه، فقال: بختفي وارجع بسبب ظروف السوق على لؤي وغير لؤي، شركات الإنتاج أصبحت قليلة جدا ومبتنتجش، زمان كان الواحد بياخد اجر صوته ومالوش دعوة بحاجة دلوقتي المطرب بقى يعمل كل حاجة وهو اللي بيحط نفسه في الفاترينا، وده محتاج ضغط كتير.
وتابع حديثه، قائلا: الحلو زمان كان بيفرض نفسه لكن دلوقتي لو حتى حلو ومبيسوقش نفسه مش هينجح، من ٢٠١٨ الإنتاج وقع وقالي ٤ سنين مش متواجد، ولحد دلوقتي بتطلب في تترات المسلسلات.
لؤي: الناس بتلومني على غيابي وبفكر في التمثيل
واستكمل: في ناس بتلومني على غيابي بس انا مبتطلتش هي بقت عادة اني اختفى وارجع، وانا بثق في جمهوري اوي ثقة عمياء، كان بيتعرض عليا التمثيل الاول بس عشان رفضت كتير مبقوش يعرضوا لكن لو قولت انا جاهز هلاقي كتير، وانا حاطه في دماغي دلوقتي.
اخر أعمال لؤي
يذكر، أن أخر أعمال لؤي في السينما، طرحه لـ أغنية فيلم ربع رومي، التي تدور أحداثه في إطار كوميدي خفيف حول شقيقين تعيش أسرتهما في مستوى بسيط، ويسعى الشابين إلى تحقيق النجاح في عملهما، ويعمل والدهما في هيئة الآثار، وإذا به يقرر سرقة كنز من أحد المقابر؛ لكن لعنة ما تصيبه تحوله في كل مرة إلى شيء جديد، فيبدأ الجميع في البحث عن حل لهذه اللعنة، وحقق العمل نجاح كبير في هذا الوقت وشارك في بطولته الفنان مصطفى خاطر.
وكان أولى البومات لؤي في عام 2003، وحقق شهرة واسعة حينها بأغنية “آه يا ليل يا عين”، واختفى بعدها لفترة طويلة بعد أن شارك في تلك الفترة بالغناء في أفلام مثل “واحد من الناس، أحلام الفتى الطايش”.
أبرز تصريحات لؤي في برنامج كلام الناس
– أنا لم أبتعد عن الوسط الفني، ولكن مع الأسف الناس بيحبوا تتبع المشاكل وعورات الغير، وبدل ما يبص للفن اللي بنقدمه بيبص للفضايح ومين أتجوز ومين أتطلق.
– من سنة 2008 صناعة الموسيقى ضايعة خالص بسبب الإنتاج.
– فيه أزمة في حقوق الملكية الفكرية، وبقينا كـ مطربين ننتج الأغاني لنفسنا وطبعا دي مسؤولية كبيرة خاصًة أننا عندنا بيوت وناس ورانا.
– الأغنية عمرها ما بتجيب عائد الإنتاج، وصناعة الموسيقى كمان مش بتجيب فلوس.
– مدحت صالح قال عليا مقصر في برنامج شهير، وهو فاهم كويس جدا إني مش مقصر وهو في الصناعة وعارف، ودي مش أول مرة يقول عليا كدا، الراجل من زمان بيحب صوتي وبيقول دا دايمًا.
– أنا مش مقصر ولا مكسل، ولكن قعدت أتأمل لأني وحيد أمي وأبويا ومليش إخوات، وأتأمل في شئون البشر والدنيا دي إيه، وظروف صناعة الموسيقى حاليًا صعبة علينا كلنا.
– أنا بحب أمي جدًا، وبستغرب لما أعرف أن فيه حد بيقعد 10 أيام مش بيشوف والدته.
– لما خلفت اكتشفت أن أمي ووالدي ضحوا بعمرهم وصحتهم علشاني.
– أنا مؤمن بالمساواة بين الرجل والمرأة في المشاعر والأحاسيس والحب.
– مراتي لبنانية كنا في كلية واحدة وارتبطنا واتجوزنا، وهي صوتها حلو وبتكتب أغاني، وعملت لي أغنيتين قبل كدا.
