الفنانة إيمان العاصي
كشفت الفنانة إيمان العاصي عن كواليس مسلسل جعفر العمدة، والذي عرض في السباق الرمضاني المنقضي، كما كشفت عن بعض الأسرار في حياتها.
وقالت إيمان العاصي خلال استضافتها في برنامج معكم والتي تقدمه الإعلامية منى الشاذلي ويعرض عبر قناة سي بي سي: الجمهور بدأ يعمل تحديات على نهاية المسلسل وتوقعات، و اتعرض عليا فلوس كتير عشان أقول نهاية مسلسل جعفر العمدة.
وكشفت إيمان العاصي: روحت المستشفى وكنت منهارة في الحلقة العشرين من جعفر العمدة وكنت تعبانة ولقيت الدكتور قالي عشان خاطري قوليلي النهاية هو سيف هيتقتل ولا ووقتها فقدت الإحساس.
إيمان العاصي: دخلت مجال التمثيل عشان أضايق خطيبي
كما كشفت إيمان العاصي عن حقيقة دخولها المجال الفني عن طيقة عملها كموديل وقالت: عمري ما اشتغلت موديل وصاحبتي عملت فوتوشوت وهي بتشتغل موديل وكنت سايبة خطيبي ومكتئبة وقولتلها عايزة أتصور.
وتابعت: عملت حركة دلال في جعفر العمدة مع خطيبي وأنا في الجامعة واتصورت صور لذيذة جدًا والمصور قال هيحط صورتي كفر مجلات.
وأضافت: كلمني المخرج خالد بهجت قالي احنا عايزينك في المسلسل وتطلعي بنت راغدة وافقت وقولت الحركة دي هتجيب أجل خطيبي ودخلت التمثيل عشان أضايقه.
وكشفت عن بدايتها الفنية وقالت: نور الشريف كل اللي قالهولي واللي قاله لجيلي اتحقق وقالي مش هتعرفي تمشي في الشارع بعد مسلسل حضرة المتهم أبي.
إيمان العاصي: لما اتجوزت قررت أقعد في البيت ولكن انفصلنا بعد شهرين
وكشفت إيمان العاصي عن سبب ابتعادها عن الوسط الفني بعد زواجها وقالت: اتجوزت وقررت اقعد في البيت واتجوزت شهرين بس ومضيت أفلام ومسلسلات وأنا بتجوز وقررت أدي سنة للجواز وانفصلنا بعد شهرين وقولت لازم وقتي يبقى لبنتي.
إيمان العاصي: مرات بابا كانت بتبصلي عشان أخويا يطلع شبهي
وتحدثت إيمان العاصي عن والدها ووجهت حديثها لمنى الشاذلي وقالت: أحلامي ليها دلالة وحلمت بـ بابا وهو بيقولي أن هو بيحبك أوي وكان نايم ومبتسم.
وكشفت إيمان العاصي: مرات بابا كانت بتبصلي عشان أخويا يبقى شبهي وكنت بخطفه من بابا عشان بحبه أوي.
