إيمان العاصي عن مسلسل جعفر العمدة: خايفة أتعامل مع الناس.. ودوري كنت بدور عليه طول عمري

الفنانة إيمان العاصي

أعربت الفنانة إيمان العاصي عن سعادتها بنجاح دورها دلال في مسلسل جعفر العمدة، مع الفنان محمد رمضان، والذي ينافس به في موسم دراما رمضان 2023.

وقالت إيمان العاصي، خلال استضافتها في برنامج تفاعلكم على قناة العربية: مش عارفه لسه أتعامل خالص مع الناس ومستخبية في البيت وخايفة أقابل الناس.. بس أنا مخضوضة زي الناس، والجمهور مسميني حسناء الشعبية، وحابين حالة الحب بين دلال وجعفر وإنها الحضن الحنين بتاعه، ومرة واحدة اتفاجئوا إنها هي سبب الشوكة اللي محطوطة في ضهره طول العمر.

وأضافت إيمان العاصي: كنت متوقعة النجاح من وإحنا بنقرأ المسلسل وبنعمل بروفات، وأستاذ محمد سامي كان عنده طاقه بيوزرعها على فريق المسلسل كله وإننا هننجح نجاح منجحناهوش قبل كده وهنفضل مبسوطين 10 سنين قدام بالنجاح ده، وكنت عارفه إن فيه نجاح قوي، بس مش متخيلة بالطريقة العظيمة دي كل يوم عندنا نجاح وحكاية والجمهور بيكتر ويكبر كل يوم.

إيمان العاصي: دور دلال كنت بدور عليه طول عمري 

وأردفت إيمان: دايمًا بتحط في دور البنت الحلوة والرومانسية والكيوت وأنا ده عملي أزمة وخلاني أقعد كتير أتعطل لأن مفيش حاجة تانية أضيفها لكاركتر الكيوت، وحسيت إن دور دلال حاجة بدور عليها طول عمري وبدور عليه من بداية مشواري الفني ولقيتها وبقيت ماسكة فيها بكل قوتي وإن دي فرصتي.

مسلسل جعفر العمدة 

حول جعفر المزواج من السيدة زينب، له أسرة ذات حسب ونسب، والده متوفي، وهو من يعتني بأسرته بالكامل، لضعف شخصية شقيقه الأكبر، ولديه شقيقة واحدة، وتزوج من 4 سيدات، واختُطف نجله أثناء وضعه في الحضانة، ومن بعدها تنقلب حياته رأسًا على عقب، ويبحث عن نجله ليل ونهار، ويمر بالعديد من الظروف الصعبة، وتدور الأحداث في إطار من الإثارة والتشويق.

أبطال مسلسل جعفر العمدة 

 جعفر العمدة بطولة محمد رمضان، ويشارك معه عددًا من النجوم أبرزهم إيمان العاصي، منة فضالي، مي كساب، أحمد داش، أحمد فهيم، لبنى ونس، هالة صدقي، زينة، وآخرين، ومن إخراج محمد سامي.