الفنانة إيمان العاصي
نشرت الفنانة إيمان العاصي، متابعيها صورة جديدة لها عبر حسابها الشخصي على موقع التواصل الاجتماعية فيسبوك
وتألقت إيمان العاصي بإطلاله جذابة ولافتة .ومن الناحية الجمالية، اعتمدت في المكياج على الالوان الجريئة، التي تبرز جمال عيونها.
يذكر ان اخر اعمال إيمان العاصي مسلسل جعفر العمدة بطولة محمد رمضان وهالة صدقي ومنة فضالي وزينة وإيمان العاصي وميكساب وأحمد فهيم وعصام السقا؛ ومن تأليف وإخراج محمد سامي.
وقالت إيمان العاصي خلال استضافتها في برنامج تفاعلكم عبر قناة العربية: ضهري قعد أسبوع واجعني، ومحصليش حاجة كبيرة ولكن اتألمت وأنا بلف في الغسالة، مسامحة رامز لأني أعرفه من زمان جدا وإحنا أصحاب وبحبه جدًا جدًا، وإحنا خدناه كله على بعضه كده بجنانه وتفكيره اللي محدش يتخيله.
وأضافت: هو مخلانيش أمشي غير وهو مراضيني ومبعرفش أزعل منه، وهو في الحياة الشخصية بيعمل أكتر من كده، ده في التلفزيون بيرحمنا.
وأردفت إيمان العاصي: لو كنت أعرف بالمقلب مكنتش هروح طبعًا، أنا بخاف وجبانة جدًا، حتى لو أنا عايزة أروح وبلغوني بالموضوع مش هتخيل هيعمل فيّا وهفكر في إن ممكن يكون حظي وحش وأبقى الضحية الحقيقية بجد، ولو كنت أعرف مستحيل كنت أروح.
وحققت الفنانة إيمان العاصي نجاحًا ملحوظًا بمشاركتها في موسم دراما رمضان 2023 بشخصية دلال في مسلسل جعفر العمدة مع الفنان محمد رمضان، وهي الزوجة الثاني للفنان محمد رمضان الذي يلعب دور جعفر العمدة، وفي الحلقة 22 من المسلسل تم تغيير مسار الخط الدرامي لشخصية دلال، حيث إن الجمهور اكتشف أنها مَن خططت لاختطاف نجله وهو الألم الذي يعيش به منذ 19 عاما.
وأضافت إيمان العاصي: كنت متوقعة النجاح من وإحنا بنقرأ المسلسل وبنعمل بروفات، وأستاذ محمد سامي كان عنده طاقه بيوزرعها على فريق المسلسل كله وإننا هننجح نجاح منجحناهوش قبل كده وهنفضل مبسوطين 10 سنين قدام بالنجاح ده، وكنت عارفه إن فيه نجاح قوي، بس مش متخيلة بالطريقة العظيمة دي كل يوم عندنا نجاح وحكاية والجمهور بيكتر ويكبر كل يوم.
وأردفت إيمان: دايمًا بتحط في دور البنت الحلوة والرومانسية والكيوت وأنا ده عملي أزمة وخلاني أقعد كتير أتعطل لأن مفيش حاجة تانية أضيفها لكاركتر الكيوت، وحسيت إن دور دلال حاجة بدور عليها طول عمري وبدور عليه من بداية مشواري الفني ولقيتها وبقيت ماسكة فيها بكل قوتي وإن دي فرصتي.
