رضوى الشربيني: بناتي بيحبوا أبوهم وبيحترموه ولو رجع بيا الزمن هتجوزه تاني

الإعلامية رضوى الشربيني

تحدثت الإعلامية رضوى الشربيني عن تجربة الطلاق وسبب انفصالها عن زيجتها السابقة، مشيرة إلى أنه لم يتحمل هذه العيشة وتجربة الطلاق لم توجعها على الإطلاق.

وردت رضوى الشربيني على سؤال الإعلامية منى عبد الوهاب خلال برنامج أنا والقناع عن سبب انفصالها فقالت: “مش عايزة أتكلم في الموضوع لان الحكاية لو لسة بتحكي فيها بتبقى لسة جواكي وانا الحكاية كلها خلصت بالنسبالي”.

رضوى الشربيني: اللي بيوصلك للطلاق بيوجع

عن وجعها من تجربة الطلاق نفت رضوى الشربني ذلك، وأضافت: “الوجع كان كبير وقسيمة الطلاق مش وجع لكن اللي بيوصلك للطلاق هو اللي بيبقى وجع، وأنا عمري ما هتكلم على أبو بناتي لأن فيه بناتي بيحبوه جدا وبيحترمه وهيفضلوا شايلين اسمه، ليه اطلع أقول على السبب، لكن الأكيد إني بعده اكتشفت نفسي.

رضوى الشربيني: مش ندمانة على الزيجة دي ولو اتعاد بيا الزمن هتجوزه تاني

وكشفت رضوى الشربيني أيضا عن عدم ندمها من زيجتها السابقة، فقالت: “الزيجة دي جبت منها بنت ومش ندمانة عليها خالص، ولو هدفع تمن وجع قصاد بناتي هختار بناتي ولو اتعاد بيا الزمن هتجوزه تاني عادي”.

وتحدث رضوى الشربيني أيضا، عن تداول فيديوهاتها التي دائما ما تكون مناصرة للسيدات، قالت رضوى الشربيني: “معرفش مين صدر إن رضوى الشربيني بتقول للست اضربي الراجل بالنار، أنا دايما بقول للست حبي جوزك وشيلي في عينك ومن 7 سنين ليا تصريحات بقول فيها اتزيني لجوزك ولو جاي من الشغل تعبان وطي صوتك واتكلمي معاه براحة ولو لزم ماية بملح وقادرة تعملي ده اعملي”.

رضوى الشربيني: اللي تقول الست مش ملزمة دي مش محترمة

وتطرقت بحديثها عن تحريف بعض تصريحاتها والذي كان من بينهم تصريح “الست مش ملزمة تبات في بيت جوزها”، فأوضحت رضوى الشربيني حقيقته، قائلة: “أنا كنت مستضيفة داعية وبتريق على وادة بتقول الست مش ملزمة تبات في بيت جوزها والسوشيال ميديا قصوه، هو فيه واحدة محترمة بتشتغل وسط محترمين هتقول كدة.. إمال تبات فين؟ دا أنا كدة مش معقدة أنا فاسقة”