بعت عفش بيتي واللي عمله محمد رمضان معايا ابن بار لأبوه.. أبرز تصريحات إحسان الترك

الفنان إحسان الترك

حلّ الفنان إحسان الترك، ضيفًا على أحد البرامج التليفزيونية، وخلال لقائه كشف العديد من الأسرار حول مشواره الفني، معربًا عن استيائه من عدم مشاركته في أعمال فنية خلال الخمس سنوات الماضية.

نستعرض لكم أبرز تصريحات إحسان الترك التليفزيونية:

والدي توفى وأنا عندي 12 سنة ولما اتوفى اتحملت المسئولية.

قاعد في البيت بقالي 5 سنوات هل مفيش دور لدكتور أو مستشار أو أب.

اللي عمله محمد رمضان معايا عمله ابن بار لأبوه.. هو ومحمد سامي خلقولي دور.

تامر حسني من أحبائي وأعرفه من زمان بس المشاغل بتنسي وعندي عتب عليه لأني بحبه.

أنا بقالي خمس سنوات مش بتابع سينما ولا بفتح تليفزيون من قهري.

أنا واحد من الأساتذة اللي قاعدين في البيت.. ودي مؤامرة ضدي.

أنا بعت عفش بيتي عشان كنت ساكن في مكان كبير ودلوقتي قاعد في شقة صغيرة.

مناشدتش أشرف زكي عشان أشتغل لأنه عليه حمل تقيل ومقدرش أحمله زيادة عن طاقته.

منعت بنتي نور من التمثيل لأنها كبرت فقولتلها أقعدي؛ لأن إحنا صعايدة.

لو رجعت دلوقتي نور لمجال الفن مش هقدر اتكلم هي دلوقتي كبيرة وهتقدر توازن وتشوف الفروقات.

أعمال إحسان الترك

يذكر أن إحسان الترك، يشارك في الماراثون الرمضاني لعام 2023، من خلال مسلسل جعفر العمدة، حيث تدور أحداثه في إطار الدراما الصعيدية، ويضم العمل مجموعة من الفنانين أبرزهم: محمد رمضان، زينة، منة فضالي، إيمان العاصي، عصام السقا، بيومي فؤاد، مي كساب، هالة صدقي، منذر رياحنة، وهو من تأليف وإخراج محمد سامي.

استجابة الفنان محمد رمضان لمناشدة الفنان إحسان ترك

وكان استجاب الفنان محمد رمضان لـ طلب الفنان إحسان ترك في العمل معه، وذلك حسبما ذكر الفنان إحسان ترك، وكشف تفاصيل مقابلة الفنان محمد رمضان له، وذلك من خلال تصريحات خاصة، حيث قال: كلموني الصبح قالولي تعالى اللوكيشن علشان محمد رمضان عايزك، ومحمد ده يعتبر ابني، وروحت وادوني شغل وقابلت محمد، وربنا يصلح الحال، أول ما قابلته خدني بالحضن، وقالي ينفع كده يا عم إحسان ده أنت أبويا، ومحمد راجل جميل، وليا علاقة بيه من زمان.

وتابع حديثه عن الانتقادات التي يتعرض لها الفنان محمد رمضان: أنا مقدرش أدخل في شخصيته، ومليش حكم عليه، كل واحد ليه عقله وده راجل متعلم، وعارف يسوق نفسه، وهييجي عليه لحظة ويحصل معاه زي ما حصل معانا، شغلتنا ملهاش أمان، محمد إنسان وتعب في حياته وجاهد وكافح وعمل حاجات كتير علشان يوصل للى هو فيه.