رامز جلال يسخر من محمود حافظ: صاحب مدرسة الغشومية في الأداء

الفنان رامز جلال

سخر الفنان المصري رامز جلال من الفنان محمود حافظ خلال وقوعه ضحية الحلقة 19 من برنامج رامز نيفر إند.

وقدم «جلال» ضيف حلقته، قائلًا: «في مقثولة متعارف عليها في الوسط، لكل ممثل طعم ولون وريحة، نكهة مختلفة تميزه عن الآخرين، من أول ما ظهر بشنبه وهو متقمص شخصية شحاتة أبو كف».

وأضاف: «عشان نهزه محتاجين نغزه، عشان نخضه محتاجين نعضه، بوعدكم في الحلقة دي إني هبذل كل طاقتي وأقطع بطاقتي، هثبت له إنه مش بالجعير والصويت وإنما بالمكر والتخطيط، معانا ومعاكم غنداف الشاشة، صاحب مدرسة الغشومية في الأداء، محمود حافظ».

حقيقة معرفة محمد فؤاد ببرنامج رامز جلال

على الصعيد الآخر، قال الفنان محمد فؤاد:”والله العظيم مكنتش أعرف اللي هيتعمل معايا في مقلب رامز جلال، والفخ بيبقى مرسوم أن الضيف ميعرفش لأن الضيف لو عرف باظت الحلقة، بس إحنا عارفين أننا رايحين لرامز واللي بيقول غير كده يبقى كداب”.

محمد فؤاد يرد على جدل مقلبه في رامز نيفر إند

وأضاف خلال لقائه ببرنامج “العرافة” الذي تقدمه بسمة وهبة بقناة “النهار”:”إحنا عارفين أن رامز جلال مجنون وممكن يتسبب في مصيبة، كنت عامل بحث علي أن فيه حاجة بتتشد ونطلع ناكل وبتاعه بتتهز وكلام فاضي بس كنت رايح وأنا مرعوب، بس قلت المقلب مش هيبقى جامد وكنت متخيل المقلب يبقى في المطعم الطائر مش الغسالة، وقلت همسك في الكرسي كويس وبعدين أضرب رامز جلال، ولكن فوجئت أنهم دخلوني الغسالة وأقسم بالله مكنتش أعرف عنها حاجة”.

وتابع:”أي مشاركة مع رامز جلال بعيدا عن المآخذ اللى عليه وانه ممكن يتلفظ، ولما عملت تجربة فؤش والمعسكر يمكن علشان أشاور لرامز أنه ممكن يعمل مقلب من غير ما يهين حد ويعطيه قيمته كفنان ولا يقول فيه كلمة مسيئة ولا يتلفظ عليه بأي شكل فيه إساءة له كفنان وتاريخ وكأي شيء، ولكني لم أشترط على رامز أنه ميهنيش ولا يسئ ليا والمفروض يكون واعي لكده، ولما شارك معايا في فيلم وريته كل نجاح وفلوس وكل شيء طيب ولم أهينه”.

وأكمل:”رامز جلال دايما بيزعل الناس منه من التعليقات وازاي يقول عليا إني زي الكورة ومينفعش الناس اللى بتحبني يزعلوا منه”.

وأكد:”قبل لما يعملوا المقلب فيا كانوا عارفين أني عامل عملية، والحمد لله الأمور عدت علي خير ومفيش اي حاجة حصلت فيا وأنا بطمن الناس، والدكتور أسامة الطبيب بتاعي من حقه يخاف علي المريض بس أنا طمنته وقلت له أنا كويس ومفيش أي حاجة ومش عارف ليه الموضوع وصل انه يعمل بيان يهاجم رامز جلال وقلت له ستوب”.

وأوضح:”رامز لا يمكن يكون قاصد اذية، بس انا دراعي كان هيتكسر من الغسالة واتخدش، وروحت لرامز وهاروح له تاني والهجوم علي رامز جلال أنا مقبلهوش”. 

وتابع:”لقيت الناس سكاكين الدنيا على الولد وده أنا مقبلهوش، رامز ابني وحبيبي واي نجاح ليه، أنا طمئنت الدكتور أسامة ومفيش اي حاجة حصلت لي والموضوع انتهى “.