الفنان تامر حسني
كشف الفنان تامر حسني رأيه في تقنية الذكاء الاصطناعي، في ظل انتشاره مؤخرًا، كاشفًا الجانب الإيجابي والسلبي في هذه التقنية من وجهة نظره وموجهَا رسالة إلى الملحنين.
ونشر تامر حسني مقطع فيديو استخدم فيه صوته عن طريق الذكاء الاصطناعي لغناء أغنية مش قادر لـ الفنان سامو زين، وكتب: الجانب الجميل في الذكاء الاصطناعي إنه عمل اللي الفنانين مش بيعملوه مع بعض وقرب جماهير فنانين لبعض لما بيسمعوا أغاني مطربينهم بأصوات مطربين تانيين، ربنا يقربنا من بعض كده زي الذكاء الاصطناعي ما عمل كده من نفسه.
وأضاف تامر حسني: بس أتمنى من بعض الملحنين محدش يستخدم صوت فنان في لحن منزلش وينزله هو عشان ممكن الفنان لو سمعه قبل ما ينزل يحبه ويغنيه ولما الملحن ينزله بصوت الفنان ومن وراه بيبقى أولا مش حركة احترافية والفنان أكيد هياخد موقف كبير من الملحن اللي عمل كده ومش هيتعامل معاه تاني لعدم أمانته وغير كده بيبقىلحن اتحرق ولا يمكن يتغنى.
على جانب آخر، أشادت الإعلامية سناء منصور، بحفل الفنان تامر حسني في مهرجان العلمين، حيث قالت خلال برنامجها السفيرة عزيزة: لم ألتقِ تامر حسني، وأنا بموت فيه وبحبه جدا، لما بيغني بحس إنه بيديني إحساس إن فيه من عبدالحليم حافظ، لأنه مطرب ومؤلف وملحن وممثل ودمه شربات في التمثيل، وكنت أتمنى أن أحضر حفله.
أعمال تامر حسني
وتعد أغنية هرمون السعادة، هي آخر أعمال تامر حسني، وحققت الأغنية نجاحًا كبيرًا على مواقع التواصل الاجتماعي، وهي من كلمات أحمد جابر وألحان علي الخواجه وتوزيع حاتم محسن، وجاءت كلمات الأغنية كـ الآتي: مسيلي على الحبايب، الحاضر واللي غايب القعدة الليلة حلوة والسُكر فيها دايب.. كل الصُحبة الجميلة متجمعين في ليلة، مش هنسيب حد يمشي لسه السهرة طويلة..كل الصُحبة الجميلة متجمعين في ليلة، ما تيلا بينا نعيش شوية، لسه السنين الحلوة جايه.. والحُزن بح من النهاردة..عايزين دلع في كل ثانية.
آخر أعمال تامر حسني
وتعد أغنية مش هتغير علشان حد آخر أغنيات تامر حسني، التي طرحها قبل أسبوعين وحققت 10 ملايين مشاهدة حتى الآن على موقع الفيديوهات يوتيوب، وهى من كلمات وألحان تامر حسني وتوزيع علي فتح الله، وقبلها طرح أغنية هرمون السعادة وحققت 23 مليون مشاهدة منذ طرحها قبل شهر، وهي من كلمات أحمد جابر وألحان علي الخواجة وتوزيع حاتم محسن.
