تامر حسني: مبربطش أغانيا بحياتي الخاصة.. وبسمة بوسيل في دمي ولو طلبت عيني مش هتأخر

الفنان تامر حسني

قال الفنان تامر حسني، إنه لا يربط أغانيه بحياته الشخصية، موضحًا أنه يكن كل الاحترام والتقدير لطليقته ووالدة أطفاله بسمة بوسيل.

وكتب تامر حسني عبر ستوري حسابه الشخصي بموقع تبادل الصور والفيديوهات انستجرام قائلا: ملاحظ إن في بعض التعليقات كل ما أنزل موضوع أغنية أو هزار معاكم، بعض الناس بيربطوه بحياتي الشخصية، ده غلط يا جماعة، أولًا مش أنا اللي ممكن أعمل كده.

وأوضح تامر حسني: رغم الظروف الحالية.. مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عنيا مش هتأخر.

منشور تامر حسني

وأضاف تامر حسني: تاني حاجة أنا بحب أهزر معاكم دايمًا من يوم طلوعي لو في أغنية أو نكتة حلوة أو إفيه حضر في دماغي أنا على طبيعتي معاكم، ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغانيا بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا.

واختتم تامي حسني مازحًا: ده لسة في أغاني توجع أوي نازلة قريب إن شاء الله.. كده مش هنزلها.

آخر أعمال تامر حسني

وكانت آخر أعمال الفنان تامر حسني هي مشاركته في فيلم تاج، الذي تم عرضه في موسم أفلام عيد الأضحى 2023، وحقق العمل نجاحًا كبيرًا، ونافس بقوة في إيرادات أفلام عيد الأضحى، وضم العمل مجموعة كبيرة من أبرز الفنانين ومنهم: دينا الشربيني، عمرو عبد الجليل، هالة فاخر، ساندي، والعمل من تأليف تامر حسني، وإخراج سارة وفيق.

ياسمين عز: تامر حسني مش بينام عشان يقدم عمل حلو

ووجهت ياسمين عز رسالة لمنتقدي تامر حسني، قائلة: تامر أحسن من مليون ترافيس سكوت، ومعندناش في مصر غير تامر حسني فنان شامل وهو ناجح من وأنا في المدرسة لدرجة أنه مش بينام ولا بياكل ولا بيشرب عشان يقدم عمل حلو، والقلة اللي بيحبطوه متغاظين منه، وكل مرة يعملوا نفس الحملات عليه وأنا لن أسمح بـ دا.