الفنان أحمد عيد
كشف الفنان أحمد عيد كواليس عودته للأعمال الدرامية، من خلال مشاركته في مسلسل عملة نادرة، بطولة الفنانة نيللي كريم، والمقرر عرضه في الماراثون الرمضاني لعام 2023، جاء ذلك خلال مداخله هاتفية في برنامج كلاكيت، تقديم الإعلامية لينا الطهطاوي على إذاعة نجوم إف إم.
نستعرض لكم في التقرير أبرز تصريحات أحمد عيد
_شخصيتي في عملة نادرة مختلفة عني.
_مسلسل عملة نادرة كان فرصة جيدة لوجودي في شهر رمضان لأن هذا الشهر يتميز بتحقيق نسبة مشاهدة عالية.
_لو أنا كنت كويس في المسلسل ده هيرجع الفضل للمخرج ماندو العدل بعد ربنا.
_ المخرج ماندو العدل لما كلمني استغربت هو ليه اختارني أنا تحديدًا ولكن هو كان له وجهة نظر ورؤية معينة أتمنى أن أنا أكون قدها وأبقى قد توقعاته.
_أنا محدش بيبعتلي دعوة أحضر مهرجان في مصر للأسف معرفش ليه.
_ ناس ونجوم كبار مش بتم دعوتهم لحضور مهرجانات في بلدهم أنا مش عارف السبب ومستغرب.
أعمال أحمد عيد
يذكر أن أحمد عيد، شارك في مسرحية اخطف مراتي ولك تحياتي، وحقق من خلالها نجاحًا كبيرًا، ودارت أحداثها حول حسن وإيناس وهما زوجان يعيشان مع والد الأخيرة الرجل الاستغلالي البخيل، ويحلم حسن بالانفصال عنه، وعليه يتفق مع إيناس أن تخطفها عصابة وتطلب فدية من والدها.
وشارك في بطولة العمل العديد من الفنانين منهم: أحمد بدير، أحمد عيد، زينب عبد الوهاب، بدرية طلبة، محمد الصاوي، إسماعيل فرغلي، وهي من تأليف أحمد عيد، وإخراج محمد جبر.
أحمد عيد :«أنا مش محتاج فلوس وكلامي بيتحور»
وفي سياق أخر كان علق الفنان أحمد عيد عن الأخبار المتداولة حول تصريحاته الأخيرة أثناء حضوره حفل joy awards، وأنه يشتكى من الظلم وقلة الأعمال الفنية بسبب غيابه عن الساحة الفنية منذ فترة طويلة، قائلا: «كلامي بيتحور أحیانًا عشان أبان بشتكي أو مظلوم ليه مش عارف».
وشارك «عيد» منشورا عبر حسابه الشخصي بموقع التواصل الاجتماعى «فيسبوك» وكتب: «مساء الفل لقيت تصريح متاخد من سياقه من كلام كان بيتقال بهزار، أنا حابب أوضح إني مقصدش اشتكى ولا أبان عندي مظلومية، أنا الحمدلله بيتعرض عليا شغل كتير، بس أنا مش عايز اشتغل غير اللى شايفه كويس احتراما لنفسي وللجمهور، مش فارق معايا أشتغل أصلا أو مشتغلش».
وأضاف «المهم أعمل اللى أنا مقتنع بيه وماديا مش محتاج ولا عندى مشكلة الحمدلله، وكلامى بيتحور أحيانا عشان أبان بشتكى أو مظلوم ليه مش عارف»، موضحا «بالنسبة للأخ اللى عمل تعليق على الصورة بيقولى مالك يا أستاذ أحمد عينك فيها حزن ليه وسايب دقنك وشنبك..، عايز أقوله أن بس ده «راكو» عشان بصور حاليا، وبجد بشكركم كلكم على رسائل وبوستات الدعم» .
