نجل شعبان عبدالرحيم الصغير يقرر تغيير اسمه: «اسم أبويا استحالة يتبهدل بالطريقة دي»

نجل شعبان عبد الرحيم

كشف عدوية شعبان نجل الفنان الراحل شعبان عبد الرحيم تغيير اسمه بسبب التشويه لاسم والده ومسيرته الفنية.

وكتب عدوية شعبان على حسابه الرسمي بـ فيس بوك منشورًا، معلقًا: يعني هو كل حاجة تحصل يقوله ولاد شعبان، أنا قررت أغير اسمي من النهاردة، أنا حسام قاسم الحقيقي ومعنديش استعداد انزل من نفسي ومن قيمتي.

نجل شعبان عبد الرحيم يغير اسمه

وأضاف عدوية: وقيمة أبويا كل يوم الناس تقولي أخوك عمل مع عامل النظافة، أخوك عمل مع واحدة حركات مش كويسة احنا أكبر من كدة واسم ابويا استحالة يتبهدل بـ الطريقة دي، أنا ياجدعان اسمي حسام قاسم عبد الرحيم، ياريت بقي الباقي يحترم اسم شعبان عبد الرحيم وتعمله حاجة تشرف عشان إحنا عندنا عيال كبيرة بلاش خيابه.. اسم شعبان عبد الرحيم قيمة كبيرة جدًا الله يرحمك يا أسطورة.

وقال عدوية شعبان عبد الرحيم في تصريح خاص من قبل: مش مصدق إن والدي مات من 3 سنين وإنه مش معايا، وهو عمره ما هيتعوض، ولو عندي الفرصة أكلمه أو أشوفه لآخر مرة هقول له الحقني من اللي جاي، لأن هو وجوده كان أمان لينا، ومهنة الفن لمت من بعده.

وواصل عدوية: شعبان عبد الرحيم هو الفنان الوحيد اللي بيمثل مصر لأن الأغاني بتاعته وطنية، والأوسكار مش كفاية عليه دا المفروض ياخد دكتوراه فخرية لأنه أحسن من الفنانين الأجانب، كفاية رجولته وجدعتنه وحنيته معانا.

ومؤخرا، وجه عدوية شعبان عبد الرحيم رسالة لمجهول، عبر حسابه الرسمي الرسمي بفيسبوك، مما دفع الجمهور للشك أنه يقصد عمر كمال.

نجل شعبان عبد الرحيم: مبرجعش في كلامي.. ومش هشتري الدقن بالفلوس

ونشر نجل شعبان عبد الرحيم صورة لها من الاستوديو، وعلق: انا لما بقول كلمة مابرجعش فيها لاني راجل من ضهر راجل

وتابع: مش هشتري دقن بالفلوس عشان ابقي راجل الي معا قرش محيرو علي عمليات التجميل بيطيرو.. وانا مابتهددش.

عمر كمال يعلق على عملية ذراعة الدقن

ويذكر، أن تحدث المطرب الشعبي عمر كمال عن حقيقة خضوعه لـ عملية تجميل زراعة شعر الذقن، التي تصدر بها التريند في الفترة الأخيرة وأثارت جدل السوشيال ميديا.

قال عمر كمال خلال مداخلة هاتفية مع الإعلامي عمرو أديب: أنا عامل فيلم مع نبيلة عبيد وأيتن عامر وعاملين أنا وهي أغنية حلوة جدا وعايزين استايل معين وعندي دفوه في وشي كدة كنت لازم أداريها فروحت للدكتور وقولتله اني عايز دقن عشان شخصيتي في الفيلم فهو اقترح عليا اني اعمل دقني كله واعمل الفيلم ولو حبيته خلاص أكمل بيه ومنها عشان الفيلم ومنه لوك جديد”

عمر كمال يكشف نيته للزواج

وكشف عمر كمال عن نيته في الزواج خلال الفترة القليلة المقبلة، فقال: “ ماشي في خطوات الجواز وهيكون قريب جدا من بنت حلال بتتقي ربنا فيا وبتقي ربنا فيها”.

جدير بالذكر، أنه تعرض عمر كمال لحملة هجوم مريعة بسبب عملية زراعة ذقنه، فقال له أحد متابعه: الحمد لله الذي عافانا، عامل عمليه علشان يبقى راجل ويطلعه دقن، عايز يبقى راجل بالعافيه، كان شخبط بقلم فلومستر اسهل، شكل ندا قالتله مش هتجوزك غير لما يطلع ليك دقن.

عمر كمال يعلق على خلافه مع زوجته

وخرج عمر كمال في الأيام القليلة الماضية لـ يكشف حقيقة نشوب خلاف بينه وبين والدته، فقال: “أي خطة ف حياتي مينفعش تتم بعيد عن ٢ طبعا ربنا قبل أي حاجة ثم أمي حبيبتي”.