
الفنانة عايدة رياض
تحدثت الفنانة عايدة رياض، عن العديد من الأسرار حول مشوارها الفني خلال استضافتها في برنامج واحد من الناس، أمس الأحد، إلى جانب الكشف عن تفاصيل حياتها الشخصية وسنوات زواجها من الفنان محرم فؤاد.
ونستعرض لكم في هذا التقرير أبرز تصريحات عايدة رياض:
-بدايتى الفنية من المدرسة وكنت بطلة في الجمباز.
– سجنت ظلم بسبب 100 دولا مزورة.. وكان نفسي الناس تتحقق قبل ما يظلموني.
-أستاذ صلاح فاير عمل أغنية عن قصتي اسمها ظالمة ليه يا دنيا.
-اتعودت على الوحدة ونفسي أحب وأتحب.
-محرم فؤاد ضربني في الخطوبة ومحستش معاه بالأمان.
عايدة رياض: محرم فؤاد كان بيحب ميرفت أمين
-بابا جاله فشل كلوي وكنت مزنوقة ومحتاجة فلوس ومحرم فؤاد موقفش معايا.
– كابتن حسن شحاتة كان في دبي وبعتلى 5000 دولار.. فاتصدمت وحسيت إني لازم أعمل فلوس تكون أمان لحياتي.
-كان فيه غيرة فنية بين عبد الحليم حافظ ومحرم فؤاد.
-محرم فؤاد كان بيحب ميرفت أمين وسافر ورجع لقاها اتجوزت عمر خورشيد.. وكان هيتجوز نيللي.
-عدم إنجابي أمر من عند ربنا هو له حكمة في ذلك.. لكن أنا ربيت ولاد أخواتي.
-محرم فؤاد ضربني علقة سخنة في الخطوبة لما كنا في لندن بسبب حبي الأول.
-بيني وبين نجلاء فتحي وميرفت أمين كيميا وكنت أعشق العمل مع الساحر محمود عبد العزيز.
وقالت عايدة رياض، في الجزء الأول من لقائها مع الإعلامي عمرو الليثي في برنامجه واحد من الناس: البوليس جه البيت وقابلوا محرم فؤاد وقالوا له إنهم مسكوا بنت معاها 100 دولار مزيفة وبتقول أنها وخداها من مدام عايدة رياض، وطبعًا محرم صدق ونزلنا روحنا هناك، ومحرم تفاجئ بمكالمة من زوجة مخرج.
وتابعت: اللي بتضايق منه أنه بيتقال على السوشيال ميديا دي جايبينها من فيلا وحاجات رهيبة جدًا وكلام ظلم في ظلم وكان نفسي الناس تتحقق قبل ما يظلموني، ويرجعوا لمديرية الأمن ويعرفوا أنا كنت فين، والقصة كلها كانت متلفقة.
وأضافت عايدة رياض: أنا مكنتش حاسة بالدنيا كأن قطر خدني، ده مش ظلم بسيط كل عيلتي وأهلي، ودي حاجة مش سهلة، وأنا مبقتش مستطعمة أقول إني مظلومة، والناس بيبقى ليها أعداء وغيرة من غير حاجة.
عايدة رياض: محرم فؤاد ترافع عني في قضيتي
واستكملت عايدة رياض: محرم فؤاد اتخانق مع الضابط وده السبب إني أتأخرت في المديرية، وناس حقوقيين بعد الثورة كلموني وقالوا لي ارفعي قضية وخدي حقك ورفضت وقولت ليهم البلد في إيه وانتوا بتقولو إيه، ومحرم وقف ترافع عني أمام القاضي في المحكمة.
واختتمت عايدة رياض حديثها، قائلة: أستاذ صلاح فايز عمل أغنية عن قصتي اسمها ظالمة ليه يا دنيا وهو كان صديق لينا أنا ومحرم.
تزوجته كيدًا في حبيبها السابق.. تصريحات صادمة من عايدة رياض عن زواجها بمحرم فؤاد بذكرى ميلاده
عايدة رياض: كل الحاجات الصعبة اللي مريت بيها في حياتي فادتني في شغلي