الفنان مصطفى قمر
طرح الفنان مصطفى قمر الأغنية الدعائية لفيلمه الجديد الذي يحمل اسم أولاد حريم كريم، وهي بعنوان لت عجن وبلغت عدد مشاهداتها 4 آلاف و 8.
مصطفى قمر يروج لأغنية فيلم أولاد حريم كريم
وكتب مصطفى قمر عبر حسابه بموقع تبادل الصور والفيديوهات القصيرة انستجرام غنوة “لت عجن” الغنوة الدعائية فيلم #اولاد_حريم_كريم مع سداوي والسؤال لكل جمهوري بالمحافظات حابين ازور انهي محافظة تاني افتتح فيها الفيلم ابعتولي ياللا والمحافظة اللي حيبجي منها اكتر طلب حاجيلكوا فيها.
وتقول كلمات الأغنية:
كلامكوا كله غم غم
اساتذه تشيلوني هم
مين قال و عاد ونم نم
كلامكوا كله لت عجن
طابور النفسنه ده زحمه معجنه
مصلحتك في الارض و مصلحته في السما
في الحقد اسطوره و مسابق ميه سنة
فاكرها نصاحة مهروش يا معلمة
تتزنق يجروا يفلسعوا
عقارب يقرصوا يلسعوا
كلامهم فيك بيسمعوا
والكلام ده انا بسمعه
بلا بلا بلا بلا بلا
حشرين بوزكو بكل تباته
أسئله خالتي اللتاتة
ماسموش عشم دي غتاتة
بتموتوا انتو في الشماتة
ده الصاحب الفالصو بناقصه
من علي ودني انا ناطروه و رافصه
كروب في كت فاكسله و قصه
انا عاجن خابز اصله و فصله
علي الحلوه بس اتجمعوا
دموع تماسيح بيدمعوا
كلامهم فييك بيسمعوا
و الكلام ده انا بسمعه
بلا بلا بلا بلا بلا
وفيلم “أولاد حريم كريم” من بطولة مصطفى قمر، بسمة، داليا البحيري، علا غانم، خالد سرحان، عمرو عبد الجليل، تيام مصطفى قمر، رنا رئيس، وهنا داود وعدد من الوجوه الجديدة، وتأليف زينب عزيز وإخراج علي إدريس.
قصة فيلم أولاد حريم كريم
والفيلم يعد الجزء الثاني من فيلم حريم كريم الذي عُرض في 2005، وتكشف الأحداث تطورات في حياة البطل كريم الذي يلعب دوره مصطفى قمر بعد مرور كل هذه السنوات.
