المخرجة إيناس الدغيدي
تحدثت المخرجة إيناس الدغيدي عن الحب وامكانية أن تكون زوجة ثانية وذلك خلال حلولها ضيفة على برنامج أسرار والذي تقدمه الإعلامية أميرة بدر على شاشة قنوات النهار.
وقالت إيناس الدغيدي في تصريحاتها: “برجي برج الحوت بتاع الحب، لكن حبي دلوقتي مختلف، ممكن احب حد مشوفهوش، في حد بحبه بس هو مش عارف، وشايفه ان ده الراجل اللي بتمناه، مش هقوله ولا ابين له، بحب شخصيته وقوته ومش شكلاًا بحب الراجل اللي عنده باور فلوس وسلطة، ومش ممكن اقوله، وكبريائي بيخسرني، بشوفه بس ميعرفش اني معجبه بيه، واوعدك لو علمتيني هعمل كده ومش معايا رقم تليفونه حتى”.
واستكملت إيناس الدغيدي: “بيعجبني كل حاجة فيه بس متجوز ومبجيش ناحية المتجوزين، وزوجي لما حبني كان متجوز، ولا يمكن ابقي زوجة ثانية، لكن ممكن ابقى حبيبة، تفرق كتير، لان الحب اوقات لكن مش كل يوم في البيت، واللي بيني وبينه هيبقى الحكاية الحلوة مش الوحشة، وكفاية اشوفه مرتين في الاسبوع، لكن لو ساب وجه هتجوزه بس مش هقوله اعمل كده، مش هحب بدون ارادة، انما لو مخططة وراسمة ده مش حب”.
وأضافت: “مش هحب بدون ارادة، لكن لو مخططة ده مش حب، ده احتياج لأي حاجة، الحب مفيهوش ممنوع، الله اعلم بجوزك، يمكن فيه واحدة بتحب جوزك وانتى متعرفيش، والستات اللي بتراقب كتير هي اللي بيطلع عينها، وعشان تعبتيني هقومك شاكه من هنا”.
واختتمت حديثها: “الرجالة غيرنا احنا حبيبة وهما لأ، معنديش أسرار في حياتي، لاني بقول على طول، مش عارفة ممكن اوجع واحدة تانية ولا لاء، بس عمري ماخرب بيت واحدة، وممكن احب جوزك لكن اخرب بيتك لاء، وانا في جروب متجوز ولما اتطلقت قلت هياخدوا مني موقف، وانا في مجتمع كل رجالته عليهم العين، وقالولي انتي بالذات عمرنا ما هنشك فيكي، لانك معانا من صغرك، ومش هيحصل انهم يخافوا مني”.
