الفنان أحمد فهمي
حل الفنان أحمد فهمي في برنامج Abtalks، الذي يعرض عبر موقع الفيديوهات الشهير يوتيوب من تقديم الإعلامي أنس بوخش.
تصريحات أحمد فهمي
وجاءت أبرز تصريحات أحمد فهمي حول انفصاله عن هنا الزاهد وطلاق والديه وغيرها من الأمور، كالتالي:
اتجوت وانفصلت 3 مرات
طلاق أمي وأبويا أثر عليا
كنت ببص للخادمين عندنا نظرة سطحية
بحترم هنا الزاهد جدا وبحترم فيها أنها قريبة من أهلها وأصدقائها
ولو هوصفها بكلمة فهي طيبة
اتعلمت كتير من الشارع بعيدًا عن تربية والدي ووالدتي
كنت في مدرسة مستواها جيد لكن أعيش في منطقة شعبية مما أثر عليا
وكان يسبب لي إحراج
انفصلنا أنا وهنا لأن أكيد العيب فيا
لقاء أحمد فهمي في برنامج يحدث في مصر
على الصعيد الآخر، قال أحمد فهمي في حواره ببرنامج يحدث في مصر: من زمان وأنا في مخي أني أكسر نوع الكوميدي وأعمل حاجة مختلفة في وقت من الأوقات، كان حظي حلو في فيلم العارف، ودا أدى ثقة للناس أني أقدر أغير واعمل دا.
وتابع، في مرة طارق قالي أنا معايا قصة سفاح الجيزة وأنا كنت متابع القضية، ولقيته طلع من شنطته حلقة واحنا قاعدين، وقريتها خرجنا اتفقنا على طول، ومضينا بعدها بأيام، وقعدنا نشتغل سنتين على المسلسل.
وأضاف، واحنا قاعدين في بروفات الترابيزة هادي قالي أنا عايزك تشتغل براحتك، وبدأ يوجهني، منها الصوت والابتسامة، وكان ممكن أرجع لشخصيتي الحقيقية في التصوير.
آخر أعمال أحمد فهمي
وعرض مؤخرًا للفنان أحمد فهمي مسلسل سفاح الجيزة بطولة: أحمدفهمي، باسم سمرة، ركين سعد، ميمي جمال، حنان يوسف، صلاح عبد الله، وآخرين.. تأليف انجي أبو السعود وعماد مطر، وإخراج هادي الباجوري، والعمل مكون من 8 حلقات وأحداثه مستوحاة من قصة حقيقية وتدور حول سفاح الجيزة الذي أثارت قضيته ضجة في الرأي العام وصدرت ضده أحكام بالإعدام في 2021.
وعن فيلمه مستر إكس، قال أحمد فهمي: مستر إكس أعلى فيلم في الوطن العربي وعدا 400 مليون جنيه.. بس فكرة الأول دي أنا مش بحبها لأنها رايحة جاية طول الوقت.. يعني ممكن السيزون اللي جاي يبقى حد تاني.. وميصحش أقول أني الأول في وجود كريم عبد العزيز.
وتابع، ممكن تكون أرقام مستر إكس عدت بس أنا تاريخي لا يقارن بتاريخ كريم عبد العزيز.. تاريخه أكبر من تاريخي بكتير ولسه بتعلم منه.. وأنا طول الوقت معنديش حاجة اخسرها، وأنا عايز استمتع وألعب حاجات مختلفة.
