الفنان كريم عبد العزيز
قال الفنان كريم عبد العزيز: “أكتر حاجة بتلفت نظري في الست ذكائها ومخها، وأيضًا سر المرأة في أظافر إيديها ورجليها، واللي تاخد بالها من دول تفرق معايا التفاصيل دي جدًّا”.
وأضاف خلال لقائه ببرنامج “بيج تايم بودكاست” الذي يقدمه الإعلامي عمرو أديب بقناة “إم بي سي”: “اهتمام المرأة بأظافر إيديها ورجليها يجذبني ويجعلني أفتح معاها كلام”.
وتابع: “أحب الست الغامضة اللي تحسسني إن الموضوع صعب وأحس إني بصطاد وطبعًا ده هيظل ليوم الدين، وأحب الست القوية اللي ليها وجهة نظر ناخد به أو ما ناخدش بس المهم إنها تقول رأيها، بحب الست اللي موجودة ومنورة واللي عندها طموح”.
ولفت: يجذبني المرأة الأربعينية العاقلة اللي بتهتم بنظافتها وخاصة أظافرها”، ليعلق عمرو أديب: “أظافرها!! هذا ما لم نسمع به من قبل”
وعن تعامله مع أولاده، علق كريم عبد العزيز: “الجيل ده صعب جدًّا، أصعب من جيلي والله يكون في عون مراتي لإنها شايلة كتير وأنا في التصوير، عندي ملك 17 وعلي 14، وبنتي داخلة في جو إنها آنسة وقافلة على نفسها الأوضة أوضتها مملكة وسن استقلالية البنت، وجيل المخ وسرعة التفكير غير وتعرضه للتكنولوجيا غير هو أسرع بكتير مننا، وخلافي مع بنتي اقعدي معانا يا بنتي اتغدي معانا ولو قعدت تحط الآيباد قبل ما تفكر في الأكل هو جيل الشاشات وبيقضي وقته مع الشاشة أكتر مع الناس والمحيط الأسري، لدرجة إنها بتقول لي بابا إزاي انتوا كنتو عايشين من غير إنترنت”.
ولفت: “أنا بتدخل في اختيارات بنتي هدومها ودراستها وأنا شرقي بطبعي وغيور شوية وأقول لها البسي كذا بس في الطبيعي والمعقول، وبسمح لها ترجع الساعة 11 بس مفيش بعد كده وتبقى في الكومباوند ومامتها بتبقى معاها وشديدة”.
وتابع: “تربية ابني علي أنيل وأصعب من أخته، وآخره في السهر 12 بالليل، والولد بيجي عليه سن ويحس إنه راجل وعايز يظهر شخصيته، أنا مصاحب علي اوي وهايدي مراتي مصاحبة ملك”.
ولفت: “مراتي بتحب لي أفلام واحد من الناس والفيل الأزرق وولاد العم، بس مش بتحب حرامية في تايلاند”، موضحًا: “في فيلم ولاد العم اتعلمت عبري على يد أستاذ بجامعة القاهرة جابه لي الأستاذ شريف عرفة”.
