منصة Watch it
شوقت منصة Watch it الرقمية جمهورها ومتابعيها لمسلسل صيد العقارب بطولة النجمة غادة عبد الرازق، المقرر عرضه في شهر رمضان المقبل 2024، حيث طرحت Watch it برومو تشويقيًا للمسلسل وعلقت قائلة: “لو عينك غفلت ثانية وسط العقارب.. تتلدغ، انتظروا النجمة غادة عبد الرازق في مسلسل صيد العقارب”.
وتواصل النجمة غادة عبد الرازق تصوير مسلسلها الجديد “صيد العقارب” المقرر عرضه في شهر رمضان المقبل على إحدى قنوات المتحدة للخدمات الإعلامية، إذ تراهن على العمل للمنافسة بقوة في رمضان هذا العام، وتقدم دراما اجتماعية مليئة بالتشويق خلال صراع تقوده امرأة بين عائلتي ضرغام والغول بعد سنوات طويلة من الصداقة والمحبة.
وتحدثت غادة عبد الرازق عن المسلسل وقالت: “عمل مختلف واكتشفت إن مؤلفه دكتور باهر دويدار كتبه من 10 سنين بالظبط، أما اتكلمنا وقلتله عايزين نعمل حاجة اجتماعية زي مسلسلات زمان أرابيسك وليالى الحلمية اللى المجتمع بيحب يتفرج عليها وبتكون اجتماعية فحكالى الفكرة”.
وأضافت غادة عبد الرازق: “أما بقعد أسرح في وشوش زملائى الفنانين اللى معايا في صيد العقارب بفرح جدا، وأقول إيه الحلاوة دي كلهم ممثلين عظماء وكبار مركزين علشان نعمل حاجة كويسة فقط”.
مسلسل “صيد العقارب” من تأليف باهر دويدار، وإخراج أحمد حسن، بطولة رياض الخولي وسيمون ومحمد علاء وأحمد ماهر، مجدى بدر، سامية عاطف، ميار الغيطى، عماد صفوت، أحمد ماجد، أحمد جمال سعيد، محمد على رزق، عزوز عادل، منال سلامة، صفاء جلال، مى القاضي، سيف الديربى، محمد صلاح، ونخبة من النجوم، ومن إخراج أحمد حسن، وإنتاج فينومينا، منتج فنى مصطفى الغزولى، برديوسر محمد سليمان.
وكشفت غادة عبد الرازق خلال تصريحات تليفزيونية، الأسباب التي دفعتها لتقديم تلت التلاتة، وقالت: اللي شدني فيه إنه مكتوب حلو أوي وفكرة الثلاث شخصيات التوأم حمستني، لأن كان اتعرض عليا كتير زمان إني أجسد فكرة التوأم بس كانوا بيبقوا اتنين بس، فكنت بشوفها مستهلكة أوي ومفيهاش جديد أقدمه للناس.
وتابعت: وتمسكت جدا إن الـ3 التوأم يبقوا شبه بعض شكلا في كل حاجة، وأنا شوفت ده في الحقيقة إن يكون توأم نسخة من بعض في الشكل والتعامل، وحسيت إن منطقة التشويق دي شبهي لأني نجحت فيها زمان الحمد لله.
وأضافت غادة عبد الرازق: وشدني إن الدور فيه تحدي إني أعمل 3 شخصيات توأم نسخة من بعض خارجيا، لكن مختلفين تماما داخليا، فـ ده كان تحدي لـ غادة عبد الرازق إني ألعب 3 شخصيات، ومن ضمن صعوباته إن في المشاهد اللي بتجمع الشخصيات دي مع بعض ببقى واقفة بمثل ومفيش حد قدامي.
وتطرقت غادة عبد الرازق للحديث عن كيفية تصوير مشاهد التوأم، وقالت: اللي بيحصل إن مثلا يبقى مشهد فيه الـ 3 شخصيات مع بعض، بلبس الأول لبس فريدة وأدخل أقعد على الكرسي مكانها، وأبص في اتجاه فرح وفريال وأكلمهم، وبعدين ألبس فرح وفريال وأتكلم في اتجاه الاتنين التانيين، وببقى شبه المجانين قدام فريق العمل.
مسلسل تلت التلاتة
على جانب آخر، يشارك في بطولة مسلسل تلت التلاتة إلى جانب الفنانة غادة عبد الرازق، كل من: محمد القس، أحمد مجدي، ليلى أحمد زاهر، وآخرون.
