الشعبية حمو بيكا
وجه مطرب المهرجانات الشعبية حمو بيكا، رسالة لجمهوره بمناسبة أول جمعة بالعام الميلادي الجديد 2024.
ونشر حمو بيكا، صورة له عبر حسابه الشخصي بموقع تبادل الصور والفيديوهات انستجرام، وعلق قائلًا: هتمشي وتسيب كل حاجة.. وكل حاجاتك هتتورث وتروح لغيرك.. كل حاجة بتاعتك هتبقى بتاعت غيرك.. إلا سمعتك وأثرك.
وتابع حمو بيكا: فلو هتتعب وتشقى علشان تسيب حاجة نضيفة ومش ملطوطة.. احرص تبقى سمعتك.. استثمر في سمعتك وسيرتك.. محدش هيقول غير كان كويس، طيب، جدع، خدوم، حنين.. خرجنا منها على خير وبسمعة طيبة وأثر طيب يارب.. أول جمعة في 2024 جمعة مباركة علي كل أهلي وصحابي.
حمو بيكا: مريت بمشاكل بعد سبوع بنتي بسبب الحسد
سبق وأكد حمو بيكا أنه مر بفترة صعبة بعد سبوع ابنته بسبب الحسد، مشيرًا إلى أن ما قيل بشأن تكلفة السبوع غير صحيح.
وأضاف حمو بيكا في فيديو نشره عبر حسابه بموقع فيس بوك: اتقال إن السبوع اتصرف عليه ملايين وعربية بـ 10 مليون دولار، إزاي دي عربية كانت مخلعة.. الكلام ده مش حقيقي روحوا واسألوا على القاعة بنفسكم، وكل اللي حضروا معلمين ونجوم بيحبوا بيكا، والدنيا كلها بتعمل كده، وأكبر من كده بكتير ولا علشان أنا حمو بيكا.
وتابع حمو بيكا: سيبوا الملك للمالك وقول يا رب وطول ما أنت بتسعى ربنا هيقف جمبك، لكن ماتبقاش نايم في بيتك ننه ولا بابي ومامي بيدوك المصروف وتطلعهم علينا.
أعمال حمو بيكا
يذكر أن حمو بيكا طرح مؤخرًا أغنية الدنيا بايظة، عبر قناته الرسمية بموقع الفيديوهات الشهير يوتويب، وهي من غناء بيكا وأحمد موزة ومن كلمات شمس الناسف.
وجاء كلمات أغنية الدنيا بايظة، كما يلي: أنا من زيزنيا بحس بفخر عمري، ما أخاف وما قولتش كلامنا دولي باسم دبي، أصحى صحالي الناس بصالي، اللي هشوفه أنا هديله عالي أنت عليا رخيص مش غالي.
