أحد المقربين
كشف أحد المقربين من المخرج أحمد البدري، تدهور حالته الصحية بعد تعرضه لبتر قدمه، وذلك من خلال منشور عبر حسابه الشخصي على موقع التواصل الاجتماعي فيسبوك.
تدهور الحالة الصحية للمخرج أحمد البدري
وكتب هاني الشيخ، أحد المقربين من المخرج أحمد البدري: صديقي الغالي المخرج أحمد البدري، أرجو من كل اللي يعرفه عن قرب يزوروا في المستشفى لأن حالته الصحية صعبة جدا جدا وغير مستقرة، بتر القدم بالكامل رجله الشمال كلها اتشالت وسكر غير مستقر والتنفس صعب جدا وتسمم في الدم.
وتابع: هو في معهد ناصر اللي على الكورنيش في الرعاية المركزة الزيارة من الساعة ٤ إلى ٥ فقط، ادعولو وزيارة المريض بتفرق معاه كتير لأن الوضع صعب، ربنا يشفيك ويعافيك وتقوم بألف سلامة.
تفاصيل الحالة الصحية للمخرج أحمد البدري
واضاف: ارجوكم لما حد يكون قريب منكم وفي عشرة وتعب أو في محنة روحوا زوروه واطمنوا عليه بنفسكم بلاش جو البوستات وشغل السوشيال ميديا. ممكن يكون في بعد من زحمة الحياة بس لو حد بينك وبينه عشرة واتحط في موقف أجري وروحله عشان لما تقع تلاقي الناس حواليك . ربنا يشفي ويعافي كل مريض ويشفيك يا بدري.
تصريحات أحمد البدري عن تامر حسني
وسبق وأن أوضح المخرج أحمد البدري مخرج فيلم “عمر وسلمى 2” أن النجم تامر حسني رفض مشاركته في الجزء الثالث من الفيلم وأتى بالمخرج محمد سامي بديلًا له، بالرغم من كل النجاحات التي حققها فيلم “عمر وسلمى 2”.
حيث قال المخرج أحمد البدري في حواره مساء أمس الخميس في برنامج “نص الكلام” مع راغدة شلهوب: “احنا نجحنا مع بعض، في 2009 و 2010 أخدنا أعلى إيراد في السينما المصرية في “عمرو وسلمى 2″، ورفض أني أعمل معاه الجزء الثالث من عمرو وسلمى، عشان فكر جديد وبحجة أني كنت مش بسمع الكلام وبأصر على اللي كنت عايز أعمله، والحمد لله بان على الشاشة أني كنت بعملك حاجة كويسة”.
واردف أحمد البدري خلال حديثه قائلًا: “الهرم دلوقتي اتقلب، المخرج بقى درجة تالتة والنجم بقى هو الدرجة الأولى وهو اللي بيجيب الكاست والمخرج ومدير التصوير ومهندس الديكور، ومحمد سامي كان عنده فكر تاني وأقنع تامر بيه”.
