المخرج أحمد الزواوي
كشف المخرج أحمد الزواوي تفاصيل أزمته مع الفنانة فيفي عبده، والتي تعود لأكثر من 10 سنوات، بسبب تقاضي الأخيرة مقابلا ماديا للمشاركة في عمل فني، ثم اختفت ولم يتم تصوير هذا العمل.
وقال أحمد الزواوي في بث مباشر: أنا ليا فلوس عند فيفي عبده، وحاولت أتواصل معاها بس مفيش رد، وكلمت ناس قريبين منها بس هي مفيش فايدة، وكمان الدكتور أشرف زكي نقيب الممثلين رن عليها مردتش عليه، واللي بيرد بيقوله الحاجة مسافرة ومش هنا وكلام من ده، وأنا عملت فيها محضر بالفلوس اللي هي خدتها مني ومشتغلتش بيها، وهما بيبعتولها تروح تحضر القضية بس مبتردش.
وعن تصريحاته بشأن أنه مَن تسبب في مرضها، قال: معايا خدمة وهبة من ربنا وهعرف استغلها إزاي، أنا خريج أزهر وحافظ القرآن ومش بتاع دجل ولا شعوذة، أنا دارس علم فلك وهعرف أستغله إزاي، وأنا عملت كدا عشان مش عارف أجيب حقي بالطرق السلمية، وهي وقفت حالي وناوي أوقف حالها، ودا مش عمل، دي قرصة ودن فقط لا غير وبقولها فوقي.
فيفي عبده تكشف عن مرضها
في ذات السياق، كشفت الفنانة فيفي عبده في تصريحات تلفزيونية سابقة، تعرضها لوعكة صحية نتج عنها خضوعها لعملية جراحية، وأشارت إلى أن ما يحدث معها بسبب عمل من أعمال الدجل والشعوذة، والذي جعلها لا تتحرك من الفراش.
وأضافت فيفي عبده: وأنا داخلة أعمل العملية قلت لربنا لو قمت كويسة لازم أروح حتى على كرسي، فجأة لقيت الغضروف قفل على العصب وما بقاش العصب يتحرك ورجلي بقيت تقيلة، وربنا يتم شفائي لأن الصحة تاج ولو مال الدنيا معاك لو مفيش صحة يبقى أنت مش معاك حاجة.
وتابعت فيفي عبده: أكيد مليون في المية معمول ليا ما أتحركش من السرير ولو أعرف مين عامل ليا العمل أقول له أبوس رجلك فكه ليا حرام عليك أفضل في السرير أقوم من حاجة ألقى حاجة، حرام.
تصريحات فيفي عبده عن رقصها
ودائمًا تلقى فيديوهات فيفي عبده إعجاب متابعيها، حيث إنها تحقق ملايين المشاهدات على مواقع التواصل الاجتماعي، بسبب حضور وبهجة الفنانة وخفة ظلها، حيث إنها من حين لآخر تشارك متابعيها بفيديو جديد لها وهي ترقص فيه، وتدعوهم من خلاله للرقص حتى يتخلصون من طاقتهم السلبية أول بأول.
وفي سياق آخر، سبق وأثارت فيفي عبده حالة من الجدل، بعد حديثها عن الفنان محمد رمضان، إذ قالت في تصريحات تلفزيونية لها: محمد رمضان مهما تقولوا له، هو ربنا بيحبه ورازقه، مش عارفة ليه رازقه، بس منقدرش نقول ليه، هو ربنا مديله نجاح ورزق وحب من الناس، أكيد عمل حاجة جميلة لأمه وأهله عشان كدة ربنا بيديله كل اللي هو في دلوقتي