اتسجَنت بسببها وملقتهاش جنبي.. كواليس انفصال المطربة بوسي ورجل الأعمال هشام ربيع

رجل الأعمال هشام ربيع

انفصل رجل الأعمال هشام ربيع والمطربة بوسي، بعد زواج دام عاما واحدا، وذلك بعدما تم حبسه بسببها لمدة 4 شهور، مشيرًا إلى أنها لم تقف بجانبه في محنته هذه.

وقال هشام ربيع خلال تصريحات صحفية حول هذا الانفصال: حصل بالفعل الانفصال بيني وبين بوسي، وده بعد ما خلصتلها الموضوع بتاعها زي أي راجل مصري، وأي راجل مراته هتتعرض لابتزاز أكيد مش هيسكت، وأنا جبتلها حقها تالت ومتلت، وأي راجل مصري وحر مش هيسمح إن حد يبتز مراته.

هشام ربيع: بوسي موقفتش جنبي لما دخلت السجن

وتابع هشام ربيع، كاشفًا الأسباب التي أدت بهما إلى الانفصال، قائلًا: إحنا من ساعة ما اتجوزنا والدنيا مش لطيفة ومش حلوة، والمشكلة اللي حصلتلي كانت بسببها واللي اتأذوا فيها كانوا ولادي ووالدتهم، ومحدش وقف جنبي غير أم ولادي وده اللي زعلني من بوسي، هي موقفتش جنبي خالص.

وأضاف هشام ربيع: ملقتش اللي كنت منتظره من بوسي، أنا اتسجنت بسببها أربع شهور وطبعا كانت قضية ملفقة، كانوا بيبتزوها وعايزين فلوس وأنا طبعا لن أسمح بده، فملاقوش قدامهم غير إنهم يعملولي مشكلة، وأنا ملقتهاش جنبي، فين الحب؟ أم ولادي كانت يوميًا بتنزل تتابع الشغل وتجيبلي أكل وهي في الآخر عيّلة عندها 30 سنة. 

بوسي تنفي انفصالها عن هشام ربيع

وعلى الجانب الآخر، نفت المطربة بوسي خلال تصريحات خاصة، كل ما تم تداوله من أنباء انفصالها عن هشام ربيع، مؤكدةً أنها شائعات، من جانبه علق هشام ربيع على نفيها لهذا الخبر، قائلًا: معرفش هي بتنفي ليه ممكن يكون إحراج أو حاجة.

تصريحات بوسي في برنامج حبر سري

من جانبه ردت بوسي على اتهامها بإرسال بلطجية لزوجها السابق خلال لقائها في برنامج حبر سري الذي تقدمه الإعلامية أسما إبراهيم قائلة: ممكن يكون هو اللي قال كدا للناس.. أنا مش عايزة أخوض في سيرته كتير، الله يسهله، وطول ما هو بعيد هني أنا تمام.. بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده.

علاقة بوسي بطليقها

وتابعت بوسي، والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي.

واستطردت، مش هو بيقول أني صرفت عليها ؟.. جيبي صوري زمان وشوفي منظري، دا منظر واحدة اتصرف عليها الأرقام اللي هو كان بيقولها ؟، وأنا اللي كنت ست وراجل البيت، أنا اللي كنت بصرف وأنا اللي كنت بعمل كل حاجة.

واضافت، أنا مش بتكسف من أي مرحلة في حياتي، ودا شرف ليا أني شقيت وتعبت، ووصلت للي أنا فيه، وفيه حواليا ناس ساعدتني، أنا مطلعتش لوحدي، وهو مكانش ليه فضل عليا، وهو كان بياخد الفلوس اللي كنت المفروض اخدها .