«بعد براءته من التهمة الملفقة».. رجل الأعمال هشام ربيع يعلن انفصاله عن المطربة بوسي

رجل الأعمال هشام ربيع

أعلن رجل الأعمال هشام ربيع، انفصاله رسميا عن المطربة والفنانة بوسي بعد أيام من براءته من القضية الملفقة له حسب ما أكدته تحقيقات النيابة.

وأكد رجل الأعمال هشام ربيع، أن الانفصال تم بهدوء وإنهاء كل شي بينهما بالود، مشيرا إلى أنه لن يدخل في أي مهاترات بشأن هذا الموضوع والتي من شأنها تعطيل مسار حياته الشخصية خلال الفترة المقبلة.

وأوضح رجل الأعمال هشام ربيع، أن الفترة المقبلة ستشهد عملا مكثفا من جانبه لافتتاح عدد من فروع تصفيف الشعر في شتى محافظات الجمهورية، وستشهد انطلاقة جديدة لسلسلة فروعه، مؤكدا أنه يركز حاليا على عيش حياة هادئة ومستقرة مع زوجته أم أولاده التي يكن لها كل احترام وتقدير.

تصريحات بوسي في برنامج حبر سري

من جانبه ردت بوسي على اتهامها بإرسال بلطجية لزوجها السابق خلال لقائها في برنامج حبر سري الذي تقدمه الإعلامية أسما إبراهيم قائلة: ممكن يكون هو اللي قال كدا للناس.. أنا مش عايزة أخوض في سيرته كتير، الله يسهله، وطول ما هو بعيد هني أنا تمام.. بس أنا لو عملت كدا هقول، ربنا حليم ستار دي كانت علاقة راحت بحلوها وبوحشها، أنا دلوقتي ست متزوجة معايا راجل وراجل قوي كمان وبحترمه، وكمان فيه طفل من طليقي فمش هينفع أقول أي كلمة وحشة تخص أبوه، وهو هيكبر وهيعرف كل حاجة لوحده.

علاقة بوسي بطليقها

وتابعت بوسي، والعلاقة دي وجعتني ورجعتني ورا بسبب المشاكل، وهو كان سبب المشاكل، كلنا فينا عيوب، بس عيوبي مش بتضر، أنا عصبية شوية خلقي ضيق حبتين بس عمري ما أذيت حد، أنا بؤ على الفاضي.

واستطردت، مش هو بيقول أني صرفت عليها ؟.. جيبي صوري زمان وشوفي منظري، دا منظر واحدة اتصرف عليها الأرقام اللي هو كان بيقولها ؟، وأنا اللي كنت ست وراجل البيت، أنا اللي كنت بصرف وأنا اللي كنت بعمل كل حاجة.

واضافت، أنا مش بتكسف من أي مرحلة في حياتي، ودا شرف ليا أني شقيت وتعبت، ووصلت للي أنا فيه، وفيه حواليا ناس ساعدتني، أنا مطلعتش لوحدي، وهو مكانش ليه فضل عليا، وهو كان بياخد الفلوس اللي كنت المفروض اخدها .