الناقد الفني طارق الشناوي
كشف الناقد الفني طارق الشناوي، تفاصيل مكالمته مع الزعيم عادل إمام، مؤكدًا أنها احتوت على روح الدعابة المعتادة من الزعيم.
وقال طارق الشناوي في تصريح تلفزيونية: «مرة كنت راجع من مهرجان فنيسيا، لاقيته أتصل بيا على التليفون الأرضي، وقالي فينك بقالك مدة مبتشتمنيش أنا قلقت عليك، كنا سنة 2009 وآخر أفلامه 2010 وبعدين اتجه للدراما، وكلامه ليا كان بسخرية جميلة أتقبلها، وخدناها كنكتة وضحك».
طارق الشناوي يرد على مصطفى قمر
قال طارق الشناوي في تصريحات تلفزيونية: ‘أنت من حقك تدافع عن فيلمك وتقول أنه أعظم فيلم، ولكن لا تتعرض للآخر بتوجيه شتائم يعاقب عليها القانون، ولا تدعي قصص ليس لها أي أساس من الصحة، ويقول من 20 سنة في بينا مشكلة، مشكلة إيه؟ أنا عمري ما قابلته ولا أعرفه على المستوى الشخصي خالص، واختراع قصص وحكايات علشان يقول في حاجة’.
وأضاف الشناوي في حديثه: ‘أنا قولت إني مش هنزل للمستوى ده على الإطلاق ولا يمكن أن حد يجرني لمعركة فيها تجاوز حتى لو الطرف التاني تجاوز، والغنوة والمسرحية والفيلم لا يكمن لأي ناقد في الدنيا أن يسقط عمل فني يريده الناس، لم ولن تحدث أبدًا، والجمهور لا يثق في النقاد’.
واستكمل الناقد طارق الشناوي حديثه، قائلًا: ‘مفيش حد مهما بلغ إنه يقتل موهبة رد بفنك، وأنا بشوف أن رد الفعل لما يكون مبالغ وليس له علاقة بالفعل بيكون في مشكلة في اللي بيعمل رد الفعل، ولو أنت واثق وشايف أنك لسة موجود في الساحة مش هتنساق للكلمات دي وهترد بفنك، والرأي اللي أنا كتبته لم يؤثر في الجمهور’.
واختتم حديثه، وقال: ‘أنا لا أقول إن اللي أنا ذكرته هو الصحيح، وده رأي والرأي يواجه برأي مش شتائم، كنت ممكن ترد بعمل فني’
