طارق الشناوي: «عمرو دياب بياخد كلمات أغانيه من على التكاتك علشان يستمر على القمة»

الناقد الفني طارق الشناوي

كشف الناقد الفني طارق الشناوي عن رأيه في أغاني الفنان عمرو دياب الأخيرة، موضحًا أن كلماتها ليست بجودة كلمات أغانيه وقت بداياته، بجانب حديثه عن أزمته مع الفنان مصطفى قمر.

طارق الشناوي وعمرو دياب

وقال طارق الشناوي في لقائه مع الإعلامية أميرة بدر، في برنامجها “ملفات”، المذاع عبر شاشة قناة “هي”: ممكن يفشل ليك عمل أو غنوة وتلاقي الموجة مختلفة فتستوعبها زي عمرو دياب، وأحيانًا الشعراء اللي مع عمرو دياب بياخدوا الحكم اللي على التكاتك ويحطوها في أغنية في ملعب عمرو دياب.

وتابع: ممكن ياخدوا من موسيقة المهرجانات ويضيفوها للون عمرو دياب علشان يستمر على القمة، والاستمرار على القمة بيحتاج دايمًا أنك تستقبل الجديد، ولو عشت في حالة أن في مؤامرة وخناقة مش هتعمل حاجة.

طارق الشناوي ومصطفى قمر

كما أكد طارق الشناوي، أنه يرفض التصالح مع الفنان مصطفى قمر بعد أزمتهما الأخيرة، قائلًا: أنا زعلان على مصطفى قمر مش زعلان منه، وعلشان كده هاخد إجراءات نقابية وقانونية، طالما وصلنا لمرحلة السب والقذف العلني ملهاش حل غير القانون.

برنامج “ملفات” تقدمه الإعلامية أميرة بدر، يوميا من الأحد للأربعاء على شاشة قناة “هي”، وتناقش خلاله العديد من القضايا الاجتماعية، وتستضيف من خلاله عددًا من نجوم الفن والسياسة والرياضة، وذلك في تمام الساعة الثامنة مساءً.

رأي طارق الشناوي في فيلم أولاد حريم كريم

وسبق وأن كشف الناقد الفني طارق الشناوي عن رأيه في فيلم أولاد حريم كريم، الذي يعرض حاليًا بدور العرض السينمائية ضمن أفلام موسم الصيف.

وقال طارق الشناوي خلال لقاء له ببرنامج ET بالعربي: من أسوأ الأفلام، علي إدريس مخرج مهم وزينب عزيز كاتبة مهمة، أنما اللي عملوه مش بس ملوش علاقة بالجزء الأول، دا ملوش علاقة بفن السينما اللي احنا بنعيشه دلوقتي، دا تراجع لزمن ما قبل الجزء الأول.

وتابع: ومشكلة مصطفى قمر أنه عايش على الزمن القديم، ولما بتفشل كمطرب مش هتصعدك السينما، ومصطفى في عز فشله كمطرب قرر أنه يعمل فيلم، مع ناس مش مطلوبين أوي في السينما والوحيدة اللي كان ليها اسم ياسمين عبد العزيز عشان كدا هي الوحيدة اللي قالت لا.