الفنانة شمس
كشفت الفنانة شمس، سبب ابتعادها عن التمثيل خلال السنوات الأخيرة الماضية، وعدم مشاركتها في الكثير من الأعمال السينمائية أو الدرامية.
تصريحات شمس في قعدة ستات
وقالت شمس خلال لقائها مع الإعلامية مروة صبري في برنامج “قعدة ستات”، المذاع على شاشة “القاهرة اليوم”: كنت بشتغل مع كبار المخرجين اللي في الوسط ومتربية على ايديهم وهما دلوقتي تلت اربعهم مش موجودين على الساحة اصلا والأدوار اللي بتجيلي ممكن تكون كبيرة بس مش بحجم الأدوار اللي كنت باخدها زمان، بس بتشدني.
وتابعت شمس: وفي نفس الوقت انا مريت بظروف كتير خلتني معنديش طاقة غير لما تكون حاجة حباها اوي حاجة تهزني، أو حاجة مع مخرج انا اشتغلت معاه وعارفة هو هيعرف يطلع من شمس ايه، غير اني اتعرضت للنصب كتير جدا واشتغلت مع ناس مش فاهمة وحاولت اعمل زي ما الناس بتقولي ارجعي وانتشري ف اكدب عليكم لو قولت محاولتش.
شمس: موت اخواتي كسرني
واستكملت شمس: جتلي حالة من الزهق والقرف لأني اتربيت على ايد حسين كمال وجلال الشرقاوي وايناس الدغيدي ويسرا ويحيى الفخراني، مفيش مخرج كبير مشتغلتش معاه ومفيش ممثل مشتغلتش معاه، فمتعودتش على الأسلوب للي احنا ماشيين بيه دلوقتي.
كما دخلت شمس في نوبة بكاء على الهواء، وروت تفاصيل وفاة عائلتها، قائلة: موت اخواتي خلاني اتكسرت، العمود الفقري بيكون فقرات فانا اول فقرة اتكسرت كان موت ماما، الاخوات سند خصوصا لما يبقى الفرق ابرع شهور او صغير بينكوا، الفقد عموما صعب لما تفقدي الكلب او القطة بتاعتك قلبك بيوجعك، بس هما كلهم يوجعوا القلب.
برنامج “قعدة ستات” تقدمه الإعلامية مروة صبري على شاشة “القاهرة اليوم” يوم السبت من كل أسبوع، وتستضيف من خلاله عددًا من الفنانات وتناقش قضايا مختلفة.
أبرز تصريحات شمس في “البخت”
وسبق وأن حلت الفنانة شمس أمس ضيفة في برنامج “البخت”، الذي يذاع على شاشة تلفزيون قناة “الشمس”، وأثناء الحلقة تحدثت شمس عن الكثير من الأمور التي تخص حياتها الشخصية والفنية أيضًا، ومن أبرز تصريحاتها في الحلقة:
ـ أخدت من شيرين عبد الوهاب أني متكسرش عشان أي بني آدم
ـ ومسيبش نفسي للاكتئاب والوحدة ومنساقش ورا الناس اللي بتستغلني
ـ بقول لشيرين أتي مش محتاجة كلمتي ولا كلمة غيري أنتي معاكي ملايين في ضهرك
ـ بقول للناس كفاية بقى وأرحموها وكفاية اللي هي فيه
ـ ادعولها ولو ربنا شايف أن حسام ظلمها يبعده عنها ولو شايف أن راحتها معاه ربنا يهدي سرهم
ـ وبقول لحسام لو أنت بتحبها روح بوس رجلها وأتأسف وحطها فوق دماغك
ـ ولو مش بتحبها سيبها عشان تعرف تربي عيالها وترجع لجمهورها
