الفنانة فيفي عبده
وجهت الفنانة فيفي عبده نصيحة لجمهورها بشأن الصلاة، بجانب الحديث عن عدم استكمال تعليمها، مؤكدة أنها حصلت على “شهادة الحياة” ولم تتم دراستها.
وقالت فيفي عبده في بث مباشر عبر حسابها على انستجرام: أنا مستغربة إني بقيت بنسى كتير رغم إني صغيرة و25 سنة لسه في عز شبابي ولكني بحمد ربنا كل يوم على النعم اللي في حياتي والحمدلله إن ربنا بيحبني.
وأضافت فيفي عبده: أنا بحمد ربنا إني على طول كويسة، وبنصح كل جمهوري يصلي، الصلاة دي أهم حاجة وهتشوفوا بعد ما تصلوا حياتكم هتكون حلوة إزاي، وبدعي ربنا يحفظ لي بناتي وأحفادي.
أما عن عدم استكمال تعليمها، فعلقت فيفي عبده، قائلة: بالنسبالي شهادة الحياة بتفرق كتير عن أي شهادة مدرسة، وأنا مخدتش شهادة المدرسة ولكن معايا شهادة الحياة لأني لفيت كتير وتعبت، وبناتي اخدوا شهادة المدرسة.
فيفي عبده تكشف سر اختفائها من مواقع التواصل الاجتماعي
كما سبق وكشفت فيفي عبده سر اختفائها من مواقع التواصل الاجتماعي الفترة الماضية، قائلة: أنا مكنتش بظهر لأني عملت عملية وتخنت ووصلت لـ 95 كيلو، إزاي فيفي عبده تكون كدا؟ وطبعا اتكسفت أطلع لجمهوري بالمنظر دا لدرجة كنت بتعزم على مناسبات كتير وبعتذر وكنت هضرب نفسي بالنار لأني عايزة أعرف ليه باكل كتير كدا؟ وقولت لازم أخس.
وواصلت فيفي عبده: أنا تعبت في حياتي ومريت بحاجات كتير وزمان كنت برقص 15 ساعة بس في اليوم غير المسلسلات.
أوضحت الفنانة فيفي عبده تفاصيل حالتها الصحية بعد تعرضها لأكثر من وعكة صحية خلال الفترة الماضية، مشيرةً إلى أنها تتعرض لحسد وسحر.
وقالت فيفي عبده خلال فيديو نشرته عبر حسابها على انستجرام، الآتي: يا صباح الفل والياسمين والهنا من الساحل الشمالي بقالي حوالي كام يوم هنا طلعتلكو قبل كده مرتين صورة وفيديو.. أنا في الساحل الشمالي المكان رائع والدنيا هادية أنا بحبكو جدًا وعايزة أقولكو إني زي الفل وصحتي زي الفل.
وأضافت: والله أكبر عشان محدش يحسدني ولا يؤر عليا وحبكو وصلني للي أنا فيه.. ربنا يخليكو ليا ويارب 5 في عين العزال يا رب للي بيؤروا عليا ويتمنولي المكروه إن شاء الله ابقى في كل حلو بحبكو أوي و5 أمواه وأحلى أمواه من الساحل الشمالي بحبكو.
وعلقت فيفي عبده على الفيديو قائلةً: مساء الفل من الساحل الشمالي أنا بشكر ربنا علي حبكم ليا وأي حاجة حلوة أنا بكون فيها بيكون بفضل ربنا والفضل ليكم ولحبكم ليا بحبكم أوي.
