محمد صبحي: التليفون عطلنا عن الصلاة والسوشيال ميديا مجزرة لفظية وبتروج لأطفالنا كارتون يعلمهم المثلية

الفنان محمد صبحي

يقام حاليًا حفل توقيع كتاب الأستاذ.. سيرة ومسيرة عن الفنان محمد صبحي، على هامش معرض الساقية للكتاب في دورته الثالثة عشرة، المقامة في ساقية الصاوي.

وقال محمد صبحي خلال حفل توقيع كتابه: احنا عملنا بلوك لأجمل ما فينا، التليفون عطلنا عن الصلاة وأصبحت السوشيال ميديا مجزرة لفظية وقتلا معنويا، وبتروج لأطفالنا كارتون يعلمهم المثلية والإلحاد والتدريب على بيع الوطن، وتحس إن أهلك هما بتوع السوشيال ميديا، إيه القتل ده؟ والألفاظ اللي بيستخدموها دي.

وتابع محمد صبحي: الشعب المصري عظيم في مواقفه، إنما يتقال على الشعب الياباني إنه شعب عظيم عشان خاطر حاجة واحدة بس هي العمل.

وأردف: وسط الكتب دي كلها هتلاقي نسبة بسيطة جدا اشترت الكتاب، وعلى أيامنا كان الأسعار غير كده وكنا بنقول احنا في مصيبة وجهل؛ لأن فيه مليون كتاب بيتطبع ومش هلحقه، وكل ما تقرأ اعرف إنك جاهل، الفن أنتم عنصر أساسي فيه، حاربوا ومتضحكوش.

كتاب الأستاذ سيرة ومسيرة 

يضم كتاب الأستاذ.. سيرة ومسيرة، العديد من القصص والأسرار عن حياة الفنان محمد صبحي منذ بداياته حتى يومنا هذا وتحليلا لمنهجه في المسرح وتاريخ فرقته المسرحية وهي أقدم وأكبر فرقة امتدت عروضها لأكثر من 50 عاما، هذا إلى جانب التحدث عن علاقته بالراحل لينين الراملي.

ومؤخراً، كشفت الفنانة هدى هاني، حقيقة احتكار الفنان محمد صبحي لفناني مسلسل «يوميات ونيس»، إذ قالت: «أنا مش هدافع عن أستاذي لأن هو اللي علمني، لكن أكبر دليل أن الاحتكار ده مش حقيقي، أني عملت أكتر من ٢٠ مسلسل وكان ليا كذا محطة نجحت فيهم منهم العطار والسبع بنات، العائلة والناس مع المخرج محمد فاضل، العار مؤخرا».

وعن حديث الفنانة عبير صلاح الدين بشأن احتكار لها، قالت هدى هاني خلال حوارها مع الإعلامية انجي هشام في برنامج «المنسي»، المُذاع عبر قناة «هي»: «مش هتكلم عن عبير صلاح الدين واللي قالته لكن في نجوم كتير وسوبر ستارز كان محمد صبحي اللي حاطط حجر أساسهم واكتشفهم منهم منى زكي، هاني رمزي، مصطفى شعبان أسماء كبيرة وكتيرة».

تابعت: «المشكلة أننا لما بنرتبط بأستاذ صبحي بيبقي ليه طريقة معينة هو ليه طريقته وبيئته، بيبقي صعب لما تخرجي تتأقلمي مع شكل اخر احنا مش بنبقي عارفين نتأقلم لكن هو عمره ما منع بالعكس أنا لما بيشوفلي عمل بيكلمني وبيقولي برافو عليكي إنما عمره ما قالي ايه اللي انتي عاملاه ده؟».

واختمت: «هو مطلع كويس وبيشوف كل واحد فينا بيعمل ايه، لكن بيبقي غيور علينا وزي الأستاذ مع تلميذة مش عايزة يضل الطريق».