خالد الفايد يدافع عن عمرو مصطفى: تاريخه محترم ومشرف واللي بيهاجمه انسان غير سوي نفسيا

الشاب خالد الفايد

خرج المطرب الشاب خالد الفايد، نجم ذا فويس كيدز للدفاع عن الفنان والملحن عمرو مصطفى، مشيرا إلى أن له تاريخ قوي ومشرف في عالم الأغاني سواء مع الهضبة عمرو دياب أو غيره من المطربين. 

خالد الفايد عن عمرو مصطفى: تاريخه فوق 

وقال خالد الفايد عبر حسابه الشخصي بموقع التواصل الإجتماعي “فيسبوك”: عمرو مصطفي من انضف واشطر الملحنين في العالم عايزين تاريخ محترم ويشرف ؟ بعض البوم من تاريخه مع الهضبه عمرو دياب 1/خليك فاكرني ..2/العالم الله ..3/قصاد عيني..4/ وحشتيني ..5/الليلادي ..6/ليلي نهاري..7/وماله.

وتابع: وفيه كتير جدا من البوم مع كل الفنانين بس اللي انا مقتنع بيه ان الراجل دا مطرب وملحن جامد جدا جدا جدا واللي يهاجمه او ينتقده انسان غير سوي نفسيا مهما كان اسمه وتاريخه عمرو مصطفي فوق بجد.

منشور خالد الفايد

خالد الفايد واعتزال السوشيال ميديا 

وكان خالد الفايد قد أثار الجدل بإعلان اعتزاله السوشيال ميديا كعادته لـ ركوب التريند، حيث كتب عبر منشور على حسابه بـ فيسبوك: أولا وبدون مقدمات أنا هعتزل السوشيال ميديا فترة مؤقتة لحد ما أكون مؤهل أن أنا أتعامل مع الناس بطبيعتي مرة تانيهطى ولكل حد أنا شتمته أو نزلت بوست عليه وتعديت حدودي كشاب لسه بيبدأ وبيقول بسم الله في المجال.

وتابع: من هنا ورايح كلامي من غير شتايم ولا تقليل من أي شخص.. هلتزم في الچيم واتمرن كويس.. هبدأ اتعلم من أخطائي اللي فاتت وهحاول مكررهاش.. دا أخر بوست ليا الفترة دي.. ومش هبدأ أنزل بوستات إلا لما الاقي نتيجة من كلامي دا وأحس أن بدأت أبقى شخصية إيجابية ومؤثرة بفني الكويس.. وشكرا لكل اللي دعموني ووقفوا جمبي بجد بحبكم.

خالد الفايد وتعمده إثارة الجدل

ولكن لم يقم الفايد بالاعتزال كما قال، وهو نفس الحال الذي يسير عليه في كل مرة حيث سبق وأعلن اعتزاله عن الغناء بشكل عام وبدأ في مهاجمة المطربين والأغاني ويحرمها وخرج بعدها وصرح بأن مجموعة من أصحاب الفكر الإرهابي كانوا يحاولون السيطرة على عقله لكنه نجي منهم.