الفنان أشرف عبد الغفور
توفى الفنان أشرف عبد الغفور، مساء اليوم الأحد الموافق 3 ديسمبر، عن عمر ناهز 81 عامًا، بعد تعرضه لحادث سير على طريق مصر إسكندرية الصحراوي.
نقل أشرف عبد الغفور للمستشفى بعد تعرضه لحادث سير
وكان نُقل الفنان أشرف عبد الغفور إلى أحد مستشفيات أكتوبر لتلقي العلاج، لكنه رحل عن عالمنا مسببًا حزن لأصدقائه في الوسط الفني وجمهوره.
من جانبه، قال أشرف عبد الغفور خلال برنامج واحد من الناس: أنا عملت حاجة من خمس سنين أنا بعتبرها أهم إنجاز عملته في حياتي، أهم جايزة أخدتها في حياتي، ايه هي الجايزة؟، تمثال أوسكار مكتوب عليه جراند با (جد) قدمهولي أحفادي.
وتابع: أنا ليا ست أحفاد، الحفيدة الأولى الدكتورة منة الله، خريجة كلية الطب البشري، ومتخصصة في الأمراض النفسية، واتجوزت من شهر، وفنانة وبتغني ولها باع في السوشيال ميديا.
رحلة أشرف عبد الغفور مع أحفاده
وأضاف: أخوها اللي بعديها دكتور صيدلي محمد، أخوهم التالت عمر في كلية الصيدلة فاضله سنتين ويتخرج، أشرف ابن تامر بيدرس الاقتصاد والعلوم السياسية، يوسف ابن ريهام الأكبر درس صناعة الأفلام في كندا، ودلوقتي بيتمرن تصوير وهتلاقي اسمه على تتر مسلسل تحت الوصاية، والحفيد الأصغر خالص هو فاروق ابن ريهام الصغير عنده 10 سنين.
واستكمل: في سنة 2017 ابن ريهام الصغير كان أقل من 5 سنين فمقدرتش أخده معايا.. أخدت الخمسة التانيين أنا لوحدي على فلوريدا في ديزني لاند قعدنا 22 يوم أنا وهما فقط، من أسعد أيام حياتي، وأيام حياتهم عشان أنا حسيت ولغاية دلوقتي أن أنا عملت حاجة في حياتهم لن ينسوها.
