ملك أحمد زاهر
استنكرت الفنانة الشابة ملك أحمد زاهر ارتفاع الأسعار في الساحل الشمالي، وذلك عبر خاصية استوري على حسابها بموقع تبادل الصور والفيديوهات القصيرة إنستجرام.
استنكار ملك أحمد زاهر لأسعار الساحل الشمالي
وقالت زاهر: إيه الأرقام اللي بشوفها في الساحل الشمالي دي؟ أنا مرعوبة حاسة إني في حلم، أرخص حاجة هنا في الساحل بـ 375 ألف جنيه وغالبا بتكون المياه.
وأضافت ملك زاهر: فين أيام الساحل الطيب؟ كنا بنتفرج على مسرحية العيال كبرت يوميا وبدون ملل ومبسوطين فين الأيام دي؟ أنا ناقص أبيع كليتي اليمين عشان أكمل يومين في الساحل الشمالي.
جوري بكر تعلق على أسعار الساحل الشمالي
وسبق وقالت جوري بكر في مقطع فيديو لها من خلال خاصية استوري: أنا بكره الساحل أو الأصح اللي بيحصل في الساحل، وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.
وتابعت: لأن فيه قلة أدب بتحصل، وفيه ناس قليلة الأدب، وفيه قلة أدب في الأسعار، وفيه ناس ممكن تقولي ايه اللي وداكي، بس أنا مضطرة، وأنا الحمد لله راضية بس ايه الأسعار دي.
واضافت: أنا أي مكان هدخله مش هيعجبني أسعاره هفضحه على السوشيال ميديا، لأن أنتو حرفيا بتسرقوا الناس، عشان يومين تلاتة جايين ينبسطوا فيهم ف يالا تعالى استغلك واطلع كل الفلوس اللي في جيبك، يعني ايه عيل صغير يروح يجيب ازازة مية بـ 200 ج، هي مية من الجنة !.
كما اشتكى المخرج المصري خالد يوسف من أسعار الساحل الشمالي وأشار إلى أن 5% فقط هو من يستطيعون أن يستمتعوا بالساحل الشمالي بسبب ارتفاع أسعاره.
