خالد الفايد بعد اعتزاله: ربنا يبعد عنكم أي حد يستغلكم باسم الدين.. واتسرعت وغلطت في هاني محروس

الفنان خالد الفايد

علق الفنان الشاب خالد الفايد على ما تعرض له خلال الشهور الماضية بعد اعتزاله الغناء، قائلا: ربنا يبعد عنكم أي حد يستغلكم ويضحك عليكم باسم الدين.

ونشر خالد الفايد منشورًا عبر حسابه الرسمي بـ فيس بوك جاء فيه: أكبر غلطة عملتها في حياتي إني سمعت كلام الناس.. وكنت مخلص من قلبي، لكن شفت منهم عكس كدا.. وربنا يكفيكم شر اللعب في الودن والكلام الفارغ.

وأضاف خالد الفايد: ربنا يبعد عنكم أي حد بيستغلكم ويضحك عليكم باسم الدين.. ربنا يبعد عنكم أي حد عامل فيها مولانا، صدقوني في حاجات مش هقدر اشرحها ليكم.

خالد الفايد: اتسرعت وغلطت في هاني محروس غلط كبير

وأضاف: ومش هقدر أقول غير إني اتسرعت وغلطت في هاني محروس غلط كبير بسبب إني إديت ودني للناس وسيبتهم يتكلموا ويولعوا براحتهم، أوعى تسلم ودنك لحد وتخليه يبخ فيها سموم.. ده درس اتعلمته حبيت أوضحه علشان محدش يقع في نفس غلطتي.

وظهر خالد الفايد خلال فيديو عبر حسابه الرسمي بـ فيس بوك، معلقًا: حابب أقولكم إن أنا خالد وحسابي مش مسروق، وأي حد في الدنيا من حقه يعمل الحاجة اللي بيحبها، ومن حقه ينام ويقوم مرتاح نفسيًا.. مش أذي حد مش واكل حق حد مش مضايق حد، كل واحد من حقه يعمل اللي عايزه بدال مش بيأذي حد، ليه الواحد يضايق على نفسه خلوها على الله وسبوها.

خالد الفايد وهاني محروس

كشف المطرب الشاب خالد الفايد، أنه لن يدخل في مناقشات دينية مرة أخرى، مؤكدا أنه مازال ليس لديه الملعومات الكافية حتى يدخل في نقاش ديني، وسوف يستغل موهبته في قراءة القرآن الكريم ورفع الأذان والإنشاد الديني فقط.

وكتب خالد الفايد منشورًا عبر حسابه الشخصي بـ فيس بوك، قال فيه: في موضوع مهم حابب أتكلم فيه مع أصحابي وحبايبي، أنا آسف لكل واحد زعل مني بقصد أو من غير قصد، كلنا بنغلط مفيش حد معصوم عن الغلط، أنا لسة قدامي سنين وسنين علم عشان أقدر أقول عن ده غلط وده صح دخلت في مواضيع كتير وهاجمت الوهابية، وهاجمت ناس كتير بتمنى من كل واحد زعل مني يسامحني.

وأضاف خالد الفايد: أنا بوعدكم أني مش هدخل نقاشات في الدين نهائيًا، مع أي حد لأني لسه معنديش العلم ولا القدرة على النقاشات دي، أنا شاب بسيط ربنا أنعم عليّ بنعمة الصوت، أنا هحاول قد ما أقدر استغله في قراءة القرآن والأذان والإنشاد الديني بس.

وأكمل خالد الفايد: زي ما أنا مش هتكلم عن حد، ولا هفتح نقاش أتمنى منكم تحترموا اختياري، أني أكون صوفي أو أي شيء تاني، وفي النهاية كلنا مسلمين ، شكرًا لكل اللي كملو كلامي، وفتحو قلوبهم عشان يسمعوني، أخوكم في الله خالد الفايد.