سوء الظن
.. سوء الظن….
. صوت جرس باب… ثم..
صوت فتح..
الزوج محمود : مساء الخير يا عايده.
عايده. الزوجه : حمدلله على السلامه ياحبيبي..
مالك يا محمود… وجهك متغير ليه..
محمود : ابدا… مفيش حاجه
عايده : طيب علي راحتك.. عموما الحمام جاهز… وعلي بال ما تخلص الاكل كمان هيكون جاهز…
…… وعلي سفره الطعام…
عايده : حبيبي… في حاجه مضيقاك… انا عارفه جوزي..
محمود : انا اسف بس متضايق علي فوزي
عايده : فوزي صاحبك… ماله كفالله الشر…
محمود : طلق مراته…
عايده : ياساتر يارب… ليه كدا
دا جميله مراته… ست طيبه.. وبتحبه…
محمود : طيبه… دي خاينه… استغفر الله
عايده : بتقول ايه… ازاي…دا كلام مش ممكن اصدقه ابدا.. حرام عليه..
محمود : الهانم… سمحت لراجل غريب يدخل بيته من غير اذنه… والله اعلم ايه اللي حصل…
استغفرالله العظيم..
….. من فضلك.. بلاش السيره دي
ومتتكلميش تاني عن الست دي..
ومن فضلك عايز كوبايه شاي…
عايده : حاضر… ثواني والشاي يكون جاهز…
…. عايده بتكلم نفسها… مش ممكن اصدق حاجه زي دي علي
جميله… دي بنت اصول وانا عرفاها كويس…
محمود… بينادم… الشاي يا عايده
عايده…. جايه… حاضر…
وبعد شرب الشاي….
…… صوت جرس المنبه…..
محمود…. بيحاول يسكت الجرس… وبينادم عايده… افصلي البتاع دا.. عايده… وبيقفل المنبه..
وبيسمع صوت باب الشقه بيتقفل
عايده انتي فين….
عايده : بتفتح باب اوضه النوم.. انت صحيت يا حبيبي…
محمود : عمال انادم عليكي… وبعدها سمعت باب الشقه بيتقفل
مين عندنا…
عايده : هه… باب.. لا لا مفيش يمكن بيتهيق لك…
يلا فوق.. علي بال ما الشاي يجهز… علشان تنزل…
محمود… بيكلم نفسه.. بس انا متاكد اني سمعت صوت باب الشقه بيتقفل…اعمليلي الشاي علي بال ما اخرج من الحمام…
…. وفي الحمام… محمود بيسترجع ذاكرته…. وبيشوف صور لكلام بين مراته… وصاحبتها جميله… وضحكهم..
وكانهم… شبه بعض في كل حاجه….
وهنا بيستعيذ بالله من الشيطان..
الرجيم…
وبعد شرب الشاي… بيرن موبايل عايده…
عايده… بتاخد الموبايل لبعيد وبترد… بعيد عن محمود.. اللي بيستغرب…
علي تصرفها وبيقول في نفسه..
في حاجه غلط..
عايده : في الموبايل… هستناك.. ربنا ما يحرمنيش منك يا حبيبي
محمود… سمع الجمله دي…. وبيقول : الخاينه…. انا عملت ايه للخيانه دي… دا اكيد طبع فيهم كلهم…
عايده : انت مش نازل ياحبيبي..
محمود : وانتي مستعجله ليه علي نزولي…في حاجه ولا ايه..
عايده : لا.. بس عيزاك تغير جو انت النهارده كنت متضايق… بسبب اللي حصل مع صاحبك…
ومن الافضل انك تغير جو..
محمود : في نرفزه… كونت متضايق علي صاحبي.. دلوقتي متضايق علي نفسي…
عايده : شوفت انا مش عايزه الزعل ياثر علي نفسيتك… انزل شم هوا
محمود : غريبه… دا انتي كنتي بتتعاركي معايا علشان ما اطلعش برا البيت وافضل قاعد
عايده : ما انا قلت لك…
….. وهنا محمود…. بيوسوس له الشيطان… في اذنه…. دي اكيد عايزه تقابل عشيقها… بعد نزولك
شوف بتضحك ازاي…. شوف.. مستعجله ازاي…
علي نزولك..
محمود… ايوا دا ملوش تفسير تاني غير كدا…
محمود : انا نازل… وهتاخر.. وهعمل بنصيحتك… عايزه حاجه من برا…
عايده : لا سلام…
محمود : غريبه.. دي حتي مش عايزه تسلم عليا وانا نازل… كفايه عليها عشيقها المجرمه..
…. في الشارع… بيرن موبايل محمود… فوزي… كانك يا صاحبي حاسس بيا
محمود : فوزي… مالك يا صاحبي.. ايه طيب مسافه السكه
… محمود… شوفت ياعم فوزي انك كنت ظالمها…
فوزي : سوء الظن.. والشك كانوا هيموتوني… وفي النهايه يطلع اللي كان في بيتي… اخو مراتي
وعلشان انا مانع دخوله البيت خافت تقولي..
محمود : بس انت اكتشفت دا ازاي مش يمكن… دي لعبه اسالني انا..
فوزي : سبحان الله… بقولك اتاكدت… من حسن الحظ ان الاستاذ / خلف… جارنا مركب كاميرا داخل العماره علشان حوادث السرقه اللي انتشرت
ولما عرف اللي حصل بيني وبين مراتي… قرر انه يراجع الكاميرات واتاكد انه مفيش حد دخل غريب العماره في اليوم دا… الا.. حازم اخو مراتي… وانا شفت دا بعيني
الحمد لله….
محمود : طيب وانا اجيب منين كاميرا للبيت علشان اثبت خيانتها… فوزي… خيانه مين…
محمود : هقولك علي كل حاجه
فوزي : استغفر ربنا دي ممكن تكون تهيات..
محمود : بعد دا كله وتقولي تهيات
فوزي : طيب مش ممكن تكون ظالمها…
محمود : النار بتاكل قلبي… انا لازم اموتها المجرمه…
فوزي : اهدي… خلينا نتاكد الاول
انت مش بتقول انها مستنياه
يعني لو كلامك صحيح هو زمانه عندها دلوقتي.. يلا بينا علي هناك
دلوقتي….
محمود : صح كلامك… حتي تبقي شاهد علي خيانتها…
وامام باب شقه محمود… فوزي كان هيضرب جرس الباب.. محمود.. انت عايز تنبهها..
انا معايا المفتاح… وبيفتح الباب بشويش
وبيقول لفوزي.. في همس.. شفت الهانم مطفيه النور مش عايزه حد يزعجهم .. انا لازم اشرب من دمها… ولما بيدخلوا…
….. النور بينور…. وزينه وعيد جواز سعيد…
المعازيم…. حماه وحماته.. واخو زوجته… ووالدته…
فوزي… بيقول لمحمود…
يا صاحبي… استغفر ربنا…
كنت هتضيع جوهره منك..
بسبب… وساوس شيطانيه…
مش كدا ولا ايه….
