نهاد أبو القمصان
علقت نهاد أبو القمصان رئيس المركز المصري لحقوق المرأة، على أزمة مغني المهرجانات حسن شاكوش وزوجته ريم طارق.
واتهمت «ريم» في بلاغ رسمي زوجها بطردها من منزل الزوجية، والاستيلاء على قائمة المنقولات وإيصال أمانة خاص بينهما.
وقالت «أبو القمصان» في بث مباشر عبر حسابها الرسمي بموقع التواصل الأجتماعي «فيس بوك»: «يعيني أنتو لسه مربعنتوش يا ولاد، دي عين دي ولا عمى عين ولا عمى قلب، ولا إيه بالظبط؟! وحسب الكلام اللي قالته ريم أنه طردها وخد الشبكة».
وأضافت: «يعني أنت يا شاكوش مكلف الفرح 4 مليون جنيه، وتاخد من ريم الشبكة وإيصال المؤخر، ده مش شغل رجالة، ويا ريم لما إنتي سجدتي في الفرح وتصدرتي التريندات، دي كانت قلة كرامة منك».
وتقدم حسن شاكوش في البلاغ لضباط مباحث قسم شرطة أول أكتوبر، مشيرا إلى أن زوجته قامت بالاستيلاء على مبلغ مالي وهرب من المنزل، وذلك بعد ما قامت بالكشف عن طردها من منزل حسن شاكوش.
وسبق وقال حسن شاكوش ردا على اتهامات أهل زوجته له: كانوا عاملين ليا أعمال أني أموت.. بس الحمدلله عشان أنا قريب من ربنا محصليش حاجة مش شرط قريب أني بصلي لا انا بقالي كتير مبصليش.
وقبل ذلك علق على أزمته مع زوجته، قائلا: مساء الفل عليكم جميعا يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل ايه يمكن اهل بيتي وفريق عملي واقرب الناس ليا أتاذوا من الحوار ده بس بما انها شاركت جمهوري بشئ جارح بالشكل ده كل اللي اقدر اقولوا الحمد الله علي نعمة السكوت والعقل وقت المشكلة الحمد الله علي كل شئ.
وكان قد كشف والد ريم طارق عن اسباب الخلاف بين ابنته وحسن شاكوش، فقال: ”اللي حصل اختلاف في وجهات النظر بنتي مرتحتش فقررنا إننا نخرج بالمعروق والمشكلة بقالها شهرين والحمدلله انه ظهر على حقيقته قريب”.
وتابع والد ريم طارق، زوجة حسن شاكوش حديثه: حسن خد كل حاجتها، أنا مقولتش أنه كان معاها 10 كيلو الماظ استولى عليهم لا ده الذهب العادي بتاعها وحقها الشرعي كله اللي احنا كاتبينه على الورق”.
وعن الأنباء المتداولة بشأن أن سبب الخلاف يعود إلى عدم اخبار حسن شاكوش بزواج ريم طارق الأول، فقال والد ريم طارق: “المشاكل ابتدت في نص رمضان وحاجة عادية جدا وهما مكنوش يعرفوا بعض قبل الجواز، لكن الموضوع ملهوش علاقة بجوازها الأول ولا إنها خبت عليه، وهو لو قايل كدة يعمل بلاغ في النيابة اننا عملنا غش وتدليس، والكلام ده كذب والمحامي بتاعه أقر إن الموضوع ده مش هو السبب”.
