زوجة حسن شاكوش
فجّر أحمد طليق ريم طارق زوجة حسن شاكوش، مفاجأة من العيار الثقيل بشأن كواليس الطلاق وحصولها على حقوقها الشرعية من عدمه.
وقال طليق ريم طارق زوجة حسن شاكوش في أول ظهور له في لقاء خاص مع الإعلامية نهال طايل ببرنامج “تفاصيل” المذاع عبر قناة “صدى البلد”، أنّ أهل طليقته ذهبوا إلى منزله وأخذوا كل مستحقات ابنتهم لكنهم لم يكفوا عن الحديث بالسوء عنه.
إجباره على طلاق
وتابع أحمد أنه فوجئ بإجباره على طلاق زوجته وبعدما حصلت على كامل حقوقها الشرعية رفعت عليه قضية، لافتا إلى أنه كان هناك ظروفا خاصة للطلاق.
وأردف طليق ريم طارق زوجة حسن شاكوش: «في حاجات بالنسبة لسبب الطلاق مش هقدر أتكلم فيها لظروف خاصة بيا وبيها، لكن عاوز أعرف ليه رفعت عليّ قضايا وبتقول كلام وحش فيّ، أنا مش طالب أي غير إني أعيش في استقرار دون مشاكل».
وتقدم حسن شاكوش في البلاغ لضباط مباحث قسم شرطة أول أكتوبر، مشيرا إلى أن زوجته قامت بالاستيلاء على مبلغ مالي وهرب من المنزل، وذلك بعد ما قامت بالكشف عن طردها من منزل حسن شاكوش.
وسبق وقال حسن شاكوش ردا على اتهامات أهل زوجته له: كانوا عاملين ليا أعمال أني أموت.. بس الحمدلله عشان أنا قريب من ربنا محصليش حاجة مش شرط قريب أني بصلي لا انا بقالي كتير مبصليش.
وقبل ذلك علق على أزمته مع زوجته، قائلا: مساء الفل عليكم جميعا يمكن القصه دايما ناقصة والبيوت فيها اسرار واحنا بنخاف علي بنات الناس واتربينا علي كده وحق الرد بيقول ان دي لسة مراتي ميصحش اتكلم عنها حتي لو حصل ايه يمكن اهل بيتي وفريق عملي واقرب الناس ليا أتاذوا من الحوار ده بس بما انها شاركت جمهوري بشئ جارح بالشكل ده كل اللي اقدر اقولوا الحمد الله علي نعمة السكوت والعقل وقت المشكلة الحمد الله علي كل شئ.
وكان قد كشف والد ريم طارق عن اسباب الخلاف بين ابنته وحسن شاكوش، فقال: ”اللي حصل اختلاف في وجهات النظر بنتي مرتحتش فقررنا إننا نخرج بالمعروق والمشكلة بقالها شهرين والحمدلله انه ظهر على حقيقته قريب”.
وتابع والد ريم طارق، زوجة حسن شاكوش حديثه: حسن خد كل حاجتها، أنا مقولتش أنه كان معاها 10 كيلو الماظ استولى عليهم لا ده الذهب العادي بتاعها وحقها الشرعي كله اللي احنا كاتبينه على الورق”.
وعن الأنباء المتداولة بشأن أن سبب الخلاف يعود إلى عدم اخبار حسن شاكوش بزواج ريم طارق الأول، فقال والد ريم طارق: “المشاكل ابتدت في نص رمضان وحاجة عادية جدا وهما مكنوش يعرفوا بعض قبل الجواز، لكن الموضوع ملهوش علاقة بجوازها الأول ولا إنها خبت عليه، وهو لو قايل كدة يعمل بلاغ في النيابة اننا عملنا غش وتدليس، والكلام ده كذب والمحامي بتاعه أقر إن الموضوع ده مش هو السبب”.
