شيرين عبد الوهاب تتغزل في حسام حبيب: ضهري وحبيبي وأهلي كلهم

الفنان حسام حبيب

تغزلت النجمة المصرية شيرين عبد الوهاب في زوجها الفنان حسام حبيب، وذلك خلال لقائها مع برنامج et بالعربي على هامش إحيائها حفل روائع الموجي بالرياض.

شيرين عبد الوهاب توجه رسالة رومانسيه لزوجها حسام حبيب

وقالت شيرين عبد الوهاب: بقول لحسام ربنا يخليك ليا وتفضل جمبي كده على طول.. سندي وضهري وحبيبي وكل الناس ليا.. هو أهلي كلهم.

تصريحات شيرين عبد الوهاب مع عمرو أديب

من جانبه، قالت شيرين عبد الوهاب خلال لقائها بالإعلامي عمرو أديب على هامش حفلها الغنائي في الرياض: “محمد الموجي رائع وقدم جميع الأغاني بداية من القوية للخفيفة، اللي عملها لـ عبد الحيلم حافظ واللي عملها لـ أم كلثوم ونجاة”.

وتابعت شيرين عبد الوهاب حديثها: “وحشني شغلي جدا والفن جوايا وان شاءالله اقدم حاجات كتير الفترة الجاية، الفنان مبيغيرش واللي بيغير من زميله ده مريض”.

وأضافت شيرين عبد الوهاب أن تسعد بالسماع للأغاني القديمة خاصة عندما تطبخ، مضيفة: “بعرف اطبخ ومفيش ست بيت مبتطبخش”، ليمازحها عمرو أديب، قائلا: “بقيتي ست بيت خلاص؟”.

سبب غياب شيرين عبد الوهاب عن الساحة الفنية

تحدثت شيرين عبد الوهاب عن سبب غيابها طوال هذه الفترة، فقالت: “أنا كنت معزولة تمامًا والسوشيال ميديا بتاعتي اتاخدت مني، واحد اسمه محمد الشاعر حصل نصباية كبيرة وخد السوشيال ميديا بتاعتي، وأنا برفع عليه قضية وبرجعها إن شاء الله، وكل حاجة هتعرفوها مني”.

واكدت شيرين عبد الوهاب أنها لازالت تعمل على إصدار فيلم عن قصة حياتها، موضحة: بكتب فيلم عن حياتي وهيكون في بنت هتعمل دوري، وأنا صغيرة، ومينفعش بنت من بناتي لأنهم بقوا أطول مني، انا بنتي مريم عازفة ماهرة، لكن مبتحبش الشهرة وهي صح.

من ناحية أخرى، كانت قد أحيت شيرين عبد الوهاب حفل غنائي ضخم في دبي شهد على عودة قوية لها على الساحة الفنية، وظهر به عدد من اللقطات أبرزها سقوطها من على المسرح بعدما داست على جيبتها عن طريق الخطأ ادت إلى سقوطها وتورم قدمها، ما جعلها تنفعل على منظمي الحفل وتعلن مقاضتهم وطلب تعويض منهم، فقالت: “هرفع قضية عشان اللي بيحصل مع الفنان ده حرام وقلة ذوق.. بعدين أنا ليا تصرف تاني.. شيرين رجعت تاني، هطلب تعويض كبير، يلا خلينا نأمن مستقبل العيال”.

كما ظهرت شيرين عبد الوهاب وهي توجه رسالة للجمهور تقول فيها: وحشتوني، خلاص شوشو رجعت ومش هغيب عنكم تاني أبدا”، وتابعت حديثها: “مديونة ليكم بكلمتين لازم أقولهم، قد إيه حبكوا وصلي وسؤالكم، وإنتوا رجعتوني تاني للدنيا، أنا ممتنة جدًا ليكم.. ألف شكر على أي حاجة عملتوها علشاني، ونعم الجمهور ونعم الحب”.

وكانت قد تحدثت شيرين عبد الوهاب عن سبب غيابها طوال هذه الفترة، فقالت: “أنا كنت معزولة تمامًا والسوشيال ميديا بتاعتي اتاخدت مني، واحد اسمه محمد الشاعر حصل نصباية كبيرة وخد السوشيال ميديا بتاعتي، وأنا برفع عليه قضية وبرجعها إن شاء الله، وكل حاجة هتعرفوها مني”