شيرين عبد الوهاب تكشف تفاصيل تعاونها غنائياً مع حسام حبيب: الفن الحلو بياخد وقت

النجمة شيرين عبد الوهاب

تحدثت النجمة شيرين عبد الوهاب عن تفاصيل تعاونها مع زوجها الفنان حسام حبيب، وذلك خلال لقائها مع برنامج et بالعربي، على هامش إحيائها حفل روائع الموجي بالرياض.

تعاون شيرين عبد الوهاب وحسام حبيب 

وقالت شيرين عبد الوهاب: إن شاء الله فيه، وعشان نطلع حاجة حلوة وفن حلو أكيد بياخد وقت، فإحنا كنا بنتعب عشان نطلع أغاني حلوة تليق بالناس، وتليق بإننا نعمل ده مع بعض تاني، وتكون مختلفة وجديدة.

آخر أعمال شيرين عبد الوهاب وحسام حبيب 

وكانوا قد تعاونوا في أغنية كل ما أغني وحقق نجاح واسع وتقول كلماتها: 

اغنية كل ما اغني

ياااه… يا حبيبي …. كل حاجة بحبها حبيتها بيك

ياااه … يا حبيبي … روحي ليل و نهار بتطمن عليك

كل ما بصحى كل ما اغني … كل ما يوم يعدي جديد

حبك ليا بيطمني …. مهما تكون حبيبي بعيد

اه ياللي طلعت بيك م الدنيا … دنيتي اني اكون وياك

حتى العمر لو فيه ثانية … تبقى الثانية عمري معاك

كل ما بصحى كل ما اغني … كل ما يوم يعدي جديد

حبك ليا بيطمني … مهما تكون حبيبي بعيد

ياااه … يا حبيبي …. حبك هو الدنيا و الناس و الحياة

ياااه … يا حبيبي …حبك هو الحلم اللي مكمل و معاه

انا كل ما بصحي كل ما اغني …. كل ما يوم يعدي جديد

حبك ليا بيطمني ….. مهما تكون حبيبيي بعيد

فيك من طبعي فيك من روحي …. فيك كل اللي بتمناه

حضنك دة اللي طمن روحي …حضنك دة اللي بستناه

كل ما بصحى كل ما اغني …. كل ما يوم يعدي جديد

حبك ليا بيطمني … مهما تكون حبيبي بعيد

من ناحية أخرى، كانت قد أحيت شيرين عبد الوهاب حفل غنائي ضخم في دبي شهد على عودة قوية لها على الساحة الفنية، وظهر به عدد من اللقطات أبرزها سقوطها من على المسرح بعدما داست على جيبتها عن طريق الخطأ ادت إلى سقوطها وتورم قدمها، ما جعلها تنفعل على منظمي الحفل وتعلن مقاضتهم وطلب تعويض منهم، فقالت: “هرفع قضية عشان اللي بيحصل مع الفنان ده حرام وقلة ذوق.. بعدين أنا ليا تصرف تاني.. شيرين رجعت تاني، هطلب تعويض كبير، يلا خلينا نأمن مستقبل العيال”.

كما ظهرت شيرين عبد الوهاب وهي توجه رسالة للجمهور تقول فيها: وحشتوني، خلاص شوشو رجعت ومش هغيب عنكم تاني أبدا”، وتابعت حديثها: “مديونة ليكم بكلمتين لازم أقولهم، قد إيه حبكوا وصلي وسؤالكم، وإنتوا رجعتوني تاني للدنيا، أنا ممتنة جدًا ليكم.. ألف شكر على أي حاجة عملتوها علشاني، ونعم الجمهور ونعم الحب”.

وكانت قد تحدثت شيرين عبد الوهاب عن سبب غيابها طوال هذه الفترة، فقالت: “أنا كنت معزولة تمامًا والسوشيال ميديا بتاعتي اتاخدت مني، واحد اسمه محمد الشاعر حصل نصباية كبيرة وخد السوشيال ميديا بتاعتي، وأنا برفع عليه قضية وبرجعها إن شاء الله، وكل حاجة هتعرفوها مني”