الفنان تامر حسني
علق الفنان تامر حسني على طلاقه من بسمة بوسيل، بعد زواج دام لأكثر من 12 عامًا، مؤكدًا أنه يتمنى الخير لها.
وأعاد الفنان تامر حسني نشر ستوري بسمة بوسيل، خلال حسابه الرسمي بموقع الصور والفيديوهات انستجرام، قائلًا: جعلنا بينكم مودة ورحمة بين الأزواج في كل حالاتهم سواء تزوجوا ولم يقدر الله الاستمرار فانفصلوا بالاتفاق الطيب ستظل بينا المودة والرحمة وأجمل أولاد، وسيظل بيننا الاحترام والتقدير، عشرة 12 عام مش هينة، ربنا يكتبلك ويكتبلي كل الخير يا بسوم، سأظل الأب والأخ والصديق والسند في حفظ الله.
وكانت كتبت بسمة بوسيل: وجعلنا بينكم مودة ورحمة، ده كلام ربنا في الزواج والطلاق لقد تم الطلاق بيني وبين تامر وسيظل بيننا كل ود واحترام، وربنا يكتبلك ويكتبلي الخير أمين يارب.
آخر أعمال تامر حسني
وعلى جانب آخر، يستعد تامر حسني لطرح فيلم تاج خلال الفترة المقبلة، ويعكف حاليا على تحضيراته، وسبق وأشار إلى أن فيلم تاج يعد أصعب فيلم شارك به في مشواره الفني، ويستمر في تدريبات شاقة من أجله.
جدير بالذكر، أنه كان قد خرج أحمد التهامي لـ يتهم تامر حسني بسرقة فكرة فيلمه الجديد “تاج”، فكتب عبر حسابه الرسمي بموقع التواصل الإجتماعي فيسبوك: “أنا سكت كتير عن حقي عشان ما زعلش حد مني أتشلت من أدوار كتير وقولت مش مهم ولحد دلوقتي مش واخد حقي الفني والأدبي والمادي اللي يليق بمجهودي وتعبي في مشواري الفني، وقولت كل شيء نصيب والحمد لله على حب الناس والدنيا مستورة والحمد لله.. إنما توصل إن مشروعي مشروع عمري اللي أنا تعبت فيه في كتبته ولفيت بيه على معظم شركات الإنتاج، ولسه عندي يقين وإيمان بالله إن هيجي يوم وأعمله”.
وتابع: “أنا أول واحد من ١٠ سنين فكرت في فكرة البطل الخارق وطول الفتره دي كان يتسرق أجزاء من الفيلم وأقول عادي.. إنما ( التوائم الخارق ) ده بتاعي ومسجله في المصنفات والشهر العقاري”.
وبعدها خرج التهامي واعتذر للفنان تامر حسني على الملأ وأكد أنه أساء الفهم بسبب تشابه قصة العملين ولكن عندما تواصلت معه الشركة المنتجة للعمل تأكد من أن العملين مختلفين تمامًا عن بعضهم البعض، ووجه الشكر والاعتزاز لـ تامر حسني
وكشف تامر حسني من خلال رده على التعليق بالصعوبات التي واجهته في بداياته، مؤكدًا أنه مر بالعديد من الصعاب وتعرض لإهانات كثيرة.
وكتب تامر حسني: أنا مر عليا كل الأحاسيس دي زمان مع كمية إهانات كبيرة من ناس غير مقتنعة بيا كانوا بيوصلوا دايمًا إني نكرة وإني قليل، وعمري ما هوصل، بس دايمًا كنت بقول مادام غيري نجح يبقى أنا هقدر وأحاول تاني وملیون، ويتقفل باب أخبط على 10 غيره لحد ما ربنا كرمني.
وأضاف تامر حسني: وبعد كرمه ليا دخلت في صعاب وحروب تانیة برضو تهد جبل وبنيتي الكويسة وعدم الإساءة بالإساءة، وبالتركيز في ورقتي فقط يعني شغلي بس، عرفت أتغلب على كل الصعاب دي والحياة كده يا عايزة مقاتل.
ورد تامر حسني على تعليق من إحدى متابعيه التي كتبت فيه أنها شعرت بأن حياتها كانت عبارة عن أحلام فقط لم يتحقق منها شيئًا.
ورد تامر حسني كاشفًا عن قصة كنتاكي وكيف تحول صبره لحلم كبير: يا أم عبد الرحمن أنا الحقيقة معرفش ظروفك ولا سبب يأسك الكبير، بس عايز أقول لك قصة صغيرة كان في ولد صغير اسمه كولونيل ساندرز، كان بيحلم أنه يكون مميز في طعم الأكل لأنه بيطبخ كويس فراح بيمشي بعربية فراخ يبيع في الشوارع لحد سن 70 سنة مش بيأس ولا بيُحبط، وفجاه ربنا أراد له بقدرة كن فيكون أن الناس تحب خلطة الفراخ اللي بيعملها فيشجعوه يعمل محل صغير بدل العربية.
وتابع تامر حسني: لو أنت غلطت في حاجة زمان، ده مش معناه إنك مينفعش تبقى ضد التصرف ده دلوقتي، دا مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للأفضل، فمتسمحش للناس إنهم يستخدموا ماضيك عشان يهدوا فكرك الحالي دلوقتي.
كما حقق نجاحا كبيرا بفيلمه الجديد بحبك الذي ضم عدد كبير من الفنانين، أبرزهم هنا الزاهد وحمدي الميرغني وفرح الزاهد، ومن تأليف وإخراج تامر حسني، بالإضافة إلى نجاح أغنيته الجديدة التي تحمل اسم رمضان كريم.
