تامر حسني للشباب: من دراستي لعلم الدنيا بقولكم متسمحوش للناس يستخدموا ماضيكم لهدم أفكاركم

الفنان تامر حسني

وجه الفنان تامر حسني بعض النصائح للشباب، إذ طالبهم بعدم الاستسلام واليأس، والخضوع لضغط من يحاولون هدمهم، ويستخدمون أخطائهم بالماضي ضدهم.

وكتب تامر منشورا، عبر حسابه الشخصي بموقع التواصل الاجتماعي فيس بوك، قال فيه: من خلال قراءتي ودراستي الفترة الأخيرة لبعض العلوم، وأهمها علم الدنيا اللي احنا فيها دي، ومن خلال تجربتي الشخصية، حابب اتكلم عن حاجه مهمة أوي وتخص كل واحد فيكم نفسه يتقدم في عصر الإحباط اللي احنا عايشين فيه ده.

وتابع تامر حسني: لو أنت غلطت في حاجة زمان، ده مش معناه إنك مينفعش تبقى ضد التصرف ده دلوقتي، دا مش نفاق انت بس كبرت وعقلت وفهمت وبقيت أفضل زي ما ربنا عايزنا نتطور للأفضل، فمتسمحش للناس إنهم يستخدموا ماضيك عشان يهدوا فكرك الحالي دلوقتي.

تامر حسني يوجه نصيحة للشباب

وأضاف تامر: ده تطور طبيعي للّي عايز يبقى إنسان كويس وقلبه سليم، بالعكس بقى لازم لما حد يفكر يضايقك بطاقة محبطة، أنا عايزك تاخد الطاقة دي تشتغل بيها، وتحولها لوقود حرق يخليك تنجح وتعلى أكتر، عندًا في اللي عايزين يشوفوك فاشل.

واستكمل: خليها بقى عادة عندك كل ما حد يحبطك تنجح، وتطور نفسك زياده لحد ما اللي بيحبطك يشوفك فوق جدًا، وفارق عنه ساعتها هيضرب نفسه بالجزمة إنه كان بيحاربك، عشان هو هتبقى طاقته فضيت وفشل، عشان وظف طاقته ليك وانت وظفت طاقتك وطاقته لخدمتك، فبقى عندك كذا دافع للنجاح يسخنك ويحفزك.

كشفت الفنانة مي عمر، أسباب تركها فيلم تاج بطولة الفنان تامر حسني، مؤكدة أنها لم تتركه من أجل المشاركة في فيلم هارلي بطولة الفنان محمد رمضان، وتحدثت عن إمكانية مشاركتها في عمل مع غادة عبد الرازق.

مي عمر تكشف سبب اعتذارها عن المشاركة في فيلم تاج

وقالت الفنانة مي عمر في تصريحات تلفزيونية، إنها اعتذرت عن المشاركة في فيلم تاج بطولة الفنان تامر حسني بسبب انشغالها بتصوير مسلسل علاقة مشروعة والذي تخوض به السباق الرمضاني الحالي مع الفنان ياسر جلال، مشيرة إلى أنهم لم ينجحوا في تنسيق المواعيد، مؤكدا أنهم سيتقابلون في عمل آخر قريبا.

وتحدثت مي عمر عن النقد الموجه للفنانين، إذ أوضحت أن الممثل يجب عليه الاستماع للنقد ولكن حسب نوعية النقد، معلقة: في ناس محترمة ومهمة بنأخذ النقد ونشوف وجهة نظرهم في الأعمال واوجه التقصير وفي نقد من أجل النقد.

كما كشفت أنه كان هناك اتفاق على تقديم عمل عالمي تقومه به مع الفنان ظافر عابدين وكان المقرر تصويره في دبي ولم يكتمل بسبب ضخامة الميزانية، مضيفة: كنا المفروض نصور في دبي ولم يكتمل وميزانيته كانت ضخمة جدا وفيه أكشن كتير والشركة المنتجة لم تستطيع تنفيذه، مؤكدة أنها راضية عن أجرها وأنه مناسب لقدراتها بنسبة 100%.

مي عمر تتحدث عن المشاركة في عمل مع غادة عبد الرازق

كما علقت الفنانة مي عمر على إمكانية المشاركة في عمل يجمعها مع الفنانة غادة عبد الرازق، إذ قالت: مستحيل أمثل بطولة مشتركة مع غادة عبد الرازق وخلافنا موضوع قديم ولكن لازم يكون في كيميا بيني وبين الممثل عشان نعرف نعمل شغل حلو، ومعتقدش نعرف نعمل شغل حلو مع بعض لأن كان في خلاف قديم ومش معنى أنه عدى أننا نشتغل مع بعض.

وعن الخلاف الذي جمع غادة عبد الرازق مع زوجها المخرج محمد سامي، أوضحت مي عمر: أنا مكنتش موجودة في الموضوع أصلا ولكن الموقف مع جوزي وهي نجمة وممثلة شاطرة جدا، ولكن زعلت عشان جوزي وفي حاجات صعب تخطيها.