الحكمدار عبد الباسط حمودة
يستعد الحكمدار عبد الباسط حمودة لطرح أحداث أعماله الغنائية، والتي يتعاون فيها مع مطرب المهرجانات عمر كمال، وذلك في ثاني تعاون يجمعهما.
وانتهى حكمدار الأغنية الشعبية عبد الباسط حمودة من تسجيل الأغنية، ويتعاونان فيها لأول مرة مع الشاعر أيمن بهجت قمر وألحان محمد يحيى وتوزيع وسام عبد المنعم.
تفاصيل تعاون عبد الباسط وعمر كمال
ومن المقرر أن يتم تصوير الأغنية على طريقة الفيديو كليب خلال الأيام المقبلة لعرضها على كافة المنصات الالكترونية والمحطات الفضائية بعد الانتهاء من المونتاج.
أغنية حلوين
وسبق وتعاون الثنائي من قبل في أغنية حلوين، والتي حققت نجاحًا كبيرًا منذ طرحها عبر مواقع الاستماع الموسيقية، وهي كلمات وألحان عمرو قطب وتوزيع إسلام شيبسي وإخراج كامبا.
كلمات أغنية حلوين
ياااا عيني
إحنا ابسط خلق الله واقل نااااس فى الدنيا دي
تعملنا بما يرضى الله تكسب قولبنا فى ثانيه
تعمل معاااانا الغلط وتفكر انك لبط
ع السكه تيجي تتظبط وتشوف وشوشنا التانية
مين يرفع عينه فينا ولا يعمل راسه بينا
دا اللى يطنطط علينا متخلقش
فى الدنيا دى لفينا ياما روحنا وياما جينا
ومهما خبط موجها فينا مبنغرقش
مسيكنا الدولارات وركيبنا الطيارات
وصحبنا ولاد ذوات وجملنا ب أولوفات
لا فى يوم مدينا ادينا ولا قولنا لحد هات
لا في يوم مدينا ادينا ولا قولنا لحد هات
حلوين اوى اوى
طعمين اوى اوى
حلوين حلوين
طعمين
وانا اللى ع الساحه وراكبين
جامدين اوى اوى
جامديين اوى اوى
جامدين جامدين
جامدين
على وضعنا ديما ثابتين
اسمينا ماركه وصوتنا ترند
حب الناس هو الاساس
واللى يقول غير كدا م الهند
ماشية معانا علشان سالكين
مبتمشيش غير بس لميين
احنا فى خير علشان نستهلوا
م احنا فى حالنا ومحترمين
بشوات ومسيطرين والخزنة مقطعين
وشينا لوحدوا بطاقه ميوقفناش كمين
فى قلبه طياريين مبيشغلناش بنزين
لا التنك بتاعنا بيفضا ولا بنفول 80
لا التنك بتاعنا بيفضا ولا بنفول 80
حلويين اوى اوى
طعمين اوى اوى
حلويين حلوين
طعميين
واحنا اللى على الساحه وراكبييين
جامدين اوى اوى
جاميين اوى اوى
ياولا جامدين
جاامديين
على وضعنا ديما ثابتين
حلوين حلوين
وعلى جانب آخر، أكد عبد الباسط حمودة، أن الأغنية الشعبية تفرض نفسها منذ زمن، مردفا بأن الأغنية في الماضي كان يعمل عليها لفترة تصل إلى ثلاثة أشهر، أما الآن فتصنع في 5 دقائق، مضيفا: دلوقتي الكل بقى يكتب، جاء ذلك خلال حواره ببرنامج كلمة أخيرة الذي تقدمه الإعلامية لميس الحديدي على قناة ON.
وقال عبد الباسط حمودة: أي بتاع مهرجانات دلوقتيِ عايز يبقى نجم يقوليِ تعالى يا نجم اعمل معايا أغنية، لأن المهرجانات خلاص خلاص، لما عمر كمال جه يعمل أغنية معايا قولت له تمشي على ذوقي، زي ما أنا عايز، لكن الدب والرزع مبحبوش.
وأردف عبد الباسط حمودة، أن والده قال له “متقلدش حد”، وأن الفنان أحمد عدوية له طريق في الغناء وهو له طريق، و”عدوية” يغني شعبي وكذلك هو ولكن الفرق هو الغناء الجميل خاصةً وأن عدوية أسطورة من أساطير الزمن، مضيفًا: عبد المطلب أثر فيا لأني كنت برد وراه، وإحنا كنا عيلة فنية وأبويا اللي علمني.
كشف عبد الباسط حمودة سر لقب الحكمدار، وقال: الجمهور اللي سماني الحكمدار، وسموني فريد شوقي الأغنية الشعبية لأن أول واحد علمت الناس الزعيق في الغناء، بس الزعيق المظبوط، الزيق ليه ناسه، مش نحزق زي بتوع الأيام دي، وجيلنا الجيل العظيم، كل المطربين دلوقتي بيجوا يبوسوني ويحضونوني ويبوسوا إيدي، إيه يا أبويا عامل إيه، احترام فوق ما تتخيلي.
يأتي ذلك ضمن حلقة خاصة للبرنامج بمناسبة رأس السنة الميلادية وحلول عام 2023، حيث يستضيف البرنامج عبد الباسط حمودة وعمر كمال ليقدموا مجموعة من أبرز أغانيهم.
