ياسر جلال للنساء: عشان جوزك ما يغلطش اقفلي عليه وما تخرجيهوش من البيت زي ما مراتي بتعمل

الفنان ياسر جلال

وجه الفنان ياسر جلال، نصائح للنساء والرجال لتجنب الوقوع في المشكلات والخيانة الزوجية، وذلك خلال لقائه في برنامج “الراديو بيضحك ليه” الذي يذاع عبر “الراديو 9090”.

وقال ياسر، موجهًا حديثه للنساء: “عشان جوزك ما يغلطش وما يضعفش.. اقفلي عليه في البيت ما تخرجيهوش زي ما مراتي بتعمل.. م البيت للشغل وم الشغل للبيت وبتكلمني كل شوية”.

وأضاف ياسر، موجهًا حديثه للرجال: “العلاقة بينك وبين مراتك بعد فترة بيبقى فيها حالة من الفتور ما تستسلمش لده.. عشان هتدفع تمن ضعفك فحاول تتجاوز ده.. مفيش حد معصوم م الخطأ وأي حد ممكن يمر بلحظة ويضعف”.

“علاقة مشروعة” هو مسلسل مكون من 15 حلقة فقط، بطولة: ياسر جلال، ومي عمر، وداليا مصطفى، ومراد مكرم، وبسنت شوقي، وميمي جمال، من تأليف: سماح الحريري، وإخراج: خالد مرعي.

تدور أحداث المسلسل في إطار اجتماعي تشويقي حول (عمرو) رجل الأعمال المتزوج من (عاليا) ولديه أبناء في مرحلة المراهقة، ولكنه يتورط في علاقة أخرى.

ياسر جلال عن العنف ضد المرأة: بأي منطق تضرب واحدة ست؟

وأضاف ياسر جلال خلال حديثه: “الطفل عشان يطلع سوى لازم يبقى متربي وسط ابوه وأمه، البيت اللي متربي على حب الطفل بيتأثر بيه وبيطلع سوي ومش مهزوز نفسيا، إن الجواز الثاني بيدمر البيت والعنف ضد المرأة، بأي منطق تضرب واحدة ست اضرب واحد قدك وزيك”.

تحدث الفنان ياسر جلال عن تفاصيل التحضير لـ دوره في مسلسل “علاقة مشروع”، التي تعرض أخر حلقاتها الليلة على شاشة قناة دي أم سي وقناة الحياة، موضحا رأيه في تعدد الزوجات والعنف ضد المرأة.

ياسر جلال: بنوع في أدواري وشخصياتي والدراما بتبعد الناس عن الغلط

وقال ياسر جلال خلال حلوله ضيفا على برنامج “الراديو بيضحك”، المذاع على راديو 9090: “حريص على إني أنوع في أدواري وأعمل شخصيات مختلفة في أعمالي، بس مقدرش أغفل العامل التجاري اللي بيجذب المشاهد، والدراما مبنية على البطل التراجيدي اللي هو راجل كويس ومبيغلطش إلا إنه يغلط غلطة تتبنى عليه الأحداث وفي النهاية يكون فيه عبرة وعظة، ولازم يكون في نهاية العمل يتعاقب، والدراما بتثقف الناس وبتوعيهم وبتبعدهم عن الغلط”.

ياسر جلال: تعدد الزوجات ليه تأثير سلبي على الأسرة والحياة مش معمولة عشان نتجوز

وتابع ياسر جلال حديثه عن فكرة مسلسل علاقة مشروعة وموقفه من عدد الزوجات والعنف ضد المرأة، فقال: “ممكن تكون الفكرة اتعملت قبل كدة بس بشكل مختلف، احنا حكينا الموضوع ده ازاي الناس في البداية افتكرت إنه على علاقة بيها بس هو كان متجوزها عشان حب قديم بينهم، ولما صحبه انتحر قرر ينفصل عنها، ومكنش حاطت في باله إنه في حمل، وواحد بررله إن ده عادي الشرع محللك 4، بسهو ميعرفش إن الموضوع ده تأثيره على الأسرة تأثير سلبي لأنه بيكون مطلوب العدل ومفيش عدالة وربنا اللي قال كدة ولا هتعدل ولا هتدي لعيالك اهتمام وهي الحياة معمولة عشان تتجوز، احنا هنعمل اسرة ولا هنقعد ننظم مواعيد بين الزوجة الأولى والتانية وننسى إن فيه أبناء”.