كتبت: ياسمين ياسر
شارك الفنان حسين فهمي متابعيه عدة صور جديدة له عبر صفحته الرسمية علي موقع التواصل الإجتماعي لتبادل الصور والفيديوهات القصيرة “إنستجرام”
وكتب حسين فهمى ” فعاليات مهرجان القاهرة السينمائي الدولي بدورته الـ 44″
والجدير بالذكر قال النجم حسين فهمي ان النجم في مصر بيعمل كل حاجة لوحده، ومفيش حد بيشتغل عدد الساعات اللي إحنا بنشتغلها، ولذلك بنطلع نتيجة متميزة جدا، جاء ذلك خلال لقائه لبرنامج “اسمي فلان” الذي يذاع على ميجا اف ام والبرنامج من تقديم شريف نور الدين.
وأضاف “فهمي” عُمر الممثل ممكن يبقي أطول لو اشتغلنا بنظام فيه حب للممثل وعلشان يوصل الرسالة صح لازم تبقي حالته النفسية كويسة، وكنت بحب الشغل مع المخرج حسام الدين مصطفى، وطول الوقت كنا بنتكلم بالإنجليزي وأدواري معاه مالهاش مثيل.
محمود ياسين
وتابع: محمود ياسين عشرة عمري، وكنا دايما مع بعض وهو اللي قدمني في المسرح القومي، وكان في ما بينا منافسة شريفة جدا.
واختتم قائلا انا كنت بتفرج على سعاد حسني من أيام الأفلام الأبيض وأسود، وطول الوقت كنت منبهر بجمالها، وأول فيلم ليا معاها كان “غرباء” وهي ممثلة قديرة جدا، ولو عليا كنت كرمت كل الفنانين الكبار بتوعنا، وأنصح الفنانين إنهم يكونوا نفسهم، والفنان منهم مايقلدش حد أبداً.
