الفنانة إيمي سمير غانم
أوضحت الفنانة إيمي سمير غانم، أنها ستعود لنشاطها الفني من جديد بعد فترة غياب تزيد على عامين، منذ رحيل والديها الفنان سمير غانم، والفنانة دلال عبد العزيز.
وقالت إيمي سمير غانم في تصريحات تلفزيونية: أنا مبفهمش في حاجة تانية غير التمثيل، فضلت سنتين في حالة صمت بعد وفاة والدي، وبابا وماما كانوا بيحبوا إننا نحب نشتغل ودنيا بدأت الحمد لله، وأنا إن شاء الله هشتغل قريب بس نطمن على أحوال البلاد.
وكشفت إيمي سمير غانم، عن المرة الأولى التي شعرت فيها بشهرتها، قائلة: أول مرة أحس إني مشهورة بعد مسلسل هبة رجل الغراب، وأنا ساعات ببقى نكدية مش طول الوقت فرفوشة، أنا كوابيسي كتير.
وأضافت إيمي سمير غانم: نفسي أكون الهادية والراكزة حاولت بس معرفتش، وجوزي غيري تماما وشايف إني عجوزة وأنا صغيرة.. ومع الأحداث بتاعة غزة بمسك التليفون وببقى مش عارفة أتنفس ومش بنزل ومش عايزة اتحرك وهو بيقولي افصلي ومش لازم تعيشي التفاصيل كده.
وقالت إيمي سمير غانم خلال تصريحات تليفزيونية: مش بحس بضغط لما بتقارن أنا أو دنيا بوالدي سمير غانم، لأن تاريخهم حافز ويساعد.. ولما تاخدي من حب الأب والأم دي ميزة والناس حبتني.
وأضافت إيمي: عمري أنا ودنيا ما هنجيب ربعهم ومينفعش ومش صح يقارنونا.. ويقارنوا شباب دلوقتي بعادل إمام وفؤاد المهندس أوعبد الحليم حافظ أو إسماعيل ياسين، بس احنا بردو مينفعش نتحط في مقارنة.
واستكملت إيمي حديثها: لما إنتي تبقي موهوبة ومتبقيش دمك تقيل وفارضة نفسك.. والحمد لله حب الناس بيفيد مع أن الأبناء عندهم موهبة، مش بحس إن دمي خفيف زي بابي.. وفي ناس بقيت غريبة جدًا وبتعمل مقارنة وبتقول كلام مش حلو فمتركزوش مع الناس.
آخر أعمال إيمي سمير غانم
يعد وعلى جانب أخر، يعتبر مسلسل رأس الرجاء الصالح، هو آخر أعمال الفنانة إيمي سمير غانم، وهو عمل إذاعي عرض في الماراثون الرمضاني 2023، وهو من بطولة إيمي سمير غانم، حسن الرداد، بيومي فؤاد، منير مكرم، وعدد آخر من الفنانين، والمسلسل من تأليف وإخراج صفي الدين حسن.
