الفنان محمد هنيدي
تحدث الفنان محمد هنيدي عن أعماله وكواليس أفلامه وعلاقته بأولاده، وعن تعاونه مع المخرج شريف عرفة وسعيد حامد، مشيرًا: شريف عرفة طلب مني إيفيه في فيلم سور الصين العظيم.
أبرز تصريحات محمد هنيدي في برنامج ضيفي لـ معتز الدمرداش
ـ هعمل مسرحية قريبًا عن شخصية رمضان مبروك أبو العلمين حمودة.
ـ وعايز أعمل فيلم روائي سينمائي عن حي إمبابة.
ـ المخرج شريف عرفة طلب مني في فيلم فول الصين العظيم أقول إبفيه على مشهد الجبل “وربنا لنيمك من المغرب يا صين”.
ـ شخصية عفت الشربيني كنت بعملها بمزاج لأني بعمل شخصية ست في بيت دعاره.
ـ والمخرج سعيد حامد طلب مني إيفيه في فيلم صعيدي في الجامعة الأمريكية اللي هو “ قولتلك حريم لا ”.
ـ ابني أحمد بيحترف كرة القدم في إسبانيا.
ـ طول عمري بمثل مع مخرجين كبار.. وممكن أنتج لـ أحمد السقا أو كريم عبد العزيز لأني بستثمر في الصناعة اللي اتربيت فيها.
ـ معتقدش أني هكون في منظومة الذكاء الاصطناعي.. ومش بحب اتكلم في التليفون.
وروى محمد هنيدي موقفا طريفا عن رغبته في السكن بالزمالك وترك إمبابة مع السيناريست أحمد عبد الله، قائلًا: كانت أيام بروفات حزمني يا وكان ليا أجر وممكن آخد سلفة من المسرح، وخدت الفلوس أنا وأحمد عبد الله وقلنا هنقعد في شقة لوحدنا في الزمالك وأنا كنت بحب العود وخدته معايا ودفعنا 600 جنيه في إيجار الشقة، كان وقتها رقم في الشهر وخدت سلفة من المسرح والشقة حلوة أوي ولقينا الإجراءات سريعة، وطلعت أنا وأحمد عبد الله لقينا شقة لطيفة وقلنا نرمي الشنط ونريح ونشوف الحياة بكره.
وأضاف هنيدي: لقينا حد بيطبخ كأن أمك بتبطخ وإحنا كنا أجبن اتنين في العالم والموقف يموت من الخوف وقعدنا دقيقتين تلاتة وهو نفس الحكاية والموضوع بيزيد وعيلة بتطبخ وكنا بنشتل بالبطي وأوحش خمس دقايق، ولما لقينا الموضوع بيعلى خدنا هدومنا واتكعبلنا على السلالم والعود اتكسر وجرينا الساعة 4 الفجر وعبدالله راح بين السريات وأنا إمبابة.
آخر أعمال هنيدي
ينتظر محمد هنيدي عرض فيلم مرعي البريمو، والمقرر طرحه يوم 2 أغسطس في السينمات، والفيلم يضم عدد كبير من النجوم أبرزهم، غادة عادل، إنجي علي، لطفي لبيب، محمد محمود، وعدد آخر من الفنانين، والعمل من تأليف إيهاب بليبل وإخراج سعيد حامد.
