بعد جدل فيديو هالة صدقي.. الفنان طارق النهري يكشف حقيقة تغيير نهاية “جعفر العمدة”

الفنان طارق النهري

قال الفنان طارق النهري إن ما تم تداوله عن تغيير نهاية مسلسل “جعفر العمدة” غير صحيح.

وأضاف “النهري” في تصريح خاص: “لا طبعا، والمخرج هو المسؤول الأول عن حدوث أي تغيير أو لا، ولو كان فيه تغيير للنهاية كنا خدنا خبر”.

وأثارت الفنانة هالة صدقي جدلا بعدما نشرت مقطع فيديو طالبت جمهورها بالتوقف عن توقعات الحلقة الأخيرة من مسلسل “جعفر العمدة”.

وقالت: “نداء من صفصف النهاردة يوم العيد منزلنا.. بطلوا توقعات.. بتتوقعوا.. وصفصف تشتغل.. بتتوقعوا وحاجات بتتغير.. أبوس إيدكم عايزة أعيد.. بلاش توقعات.. عجبكوا كده؟ وأنا اللي بدفع التمن.. كل سنة وأنتو طيبين.. تعبت”.الأمر الذي جعل البعض يتوقع تغيير النهاية في ظل سفر المخرج محمد سامي لمدينة دبي

تحدث الفنان طارق النهري عن عدد من فريق عمل مسلسل جعفر العمدة، كالمخرج محمد سامي، والنجم محمد رمضان، والفنان أحمد داش.

طارق النهري وفريق عمل جعفر العمدة

وقال النهري في تصريحات خاصة: كلنا نجوم في المسلسل لأن فيه مخرج واعي وفيه ورق كويس، وفيه ممثلين حابين يعملوا العمل بالشكل دا، احنا كنا بنتلقى التعليمات من المخرج وبننفذها بحذافيرها زي ما هو عايز.

وتابع: محمد سامي مخرج واعي وبيسيطر على اللوكيشن والمجاميع وعلى طوب الأرض اللي في اللوكيشن.. كان معانا في الحارة كل يوم ألف كومبارس، وكانوا عايزين يتصوروا مع محمد رمضان، وكان بياخدها بكل حب، وبياخدهم في حضنه وبيتصور معاهم، ومحمد رمضان اسمه ينجح عمل وهو نجم مش عادي وهو نمبر وان.

رأي طارق النهري في أحمد داش

وفي الحوار ذاته، كشف الفنان طارق النهري عن رأيه في وضع اسم أحمد داش قبل عدد من النجوم في تتر مسلسل جعفر العمدة، وقال: مفيش عمل بينجح من طرف واحد، لازم الأطراف كلها تجتمع على النجاح.

وتابع: أحمد داش مش محتاج مجاملة، أحمد داش فنان جامد أوي وممثل قوي جدا، أنا بقالي في المهنة دي 45 سنة، وبقول داش من أعلى النجوم اللي هتبقى في تاريخ السينما والتلفزيون في مصر.

واستطرد: وهو مش بيقلد محمد رمضان، لأنه ممثل فاهم وواعي، ومفيش حد يقدر إلى ما وصل إليه أحمد زكي من فن.