أحلام: الإمارات ليها دور عظيم في معالجة أطفال فلسطين.. وقفلت السوشيال ميديا بسبب اللي بيحصل

الفنانة أحلام

تحدثت الفنانة أحلام عن غزة والأوضاع الحالية التي تمر بها، وعن دور دولة الإمارات مع أهالي فلسطين، وعن حالتها النفسية بسبب الأحداث، مشيرة: عندي حالة نفسية.

وقالت أحلام في تصريحات تليفزيونية: طول عمرنا مع فلسطين، والله يعز شيوخنا بعد اللي عمله شيخ الإمارات في أطفال فلسطين اللي بيتعالجوا عندنا، وناوية أروح أزورهم وأجيب ليهم هدايا، والإمارات ليها دور عظيم في فلسطين وفي طائرات راحت ليهم.

وأضافت أحلام: لو نقدر نروح ليهم هنعمل حاجه وربنا معاهم، والأيام الجاية كفيلة تشفي جراحهم، كلنا بكينا وتألمنا.. وجتلي حالة نفسية وقفلت السوشيال ميديا بسبب اللي بيحصل.

واستكملت أحلام حديثها: الفلسطينيين هيتجوزوا ويخلفوا ويجيبوا أبطال، إحنا معاهم وحياتهم هتمشي.. وهنصورهم وهما بيصوروا برامج فنية، وإحنا معاهم قلبا وقالبا.. إحنا عايشين في الحرب مع فلسطين، ومن عمري 50 سنة بقى عندي حالة نفسية.

وقالت أحلام في تصريحات تليفزيونية: الجمهور يتفاعل مع أغانيا القديمة، وبحب أذكر الجمهور بالأغاني القديمة بتاعتي وبيتفاعل معاها وأعرف إزاي أمسك الجمهور، وإزاي أخليه يسمع ويروح لذكريات حلوة.

وعن برنامجها الجديد التي تحضر له، أضافت أحلام: برنامجي الجديد يحمل اسم ألف ليلة وليلة، وهو اسمه كده لأنه قصة وحكايات بيعشها الفنانين وقابلت ضيوفي بكل ترحيب ومحبة وعرفت الجمهور عليهم وأديتهم القيمة اللي يستحقوها، وفي أول حلقة نستضيف أسماء لمنور من المغرب، والليلة الثانية مع نبيل شعيل وبيتكلم عن الكويت وثقافة الإمارات وحلقته من أروع الحلقات، وكل حلقة مش شبه التانية.

وعن آخر أغانيها التي طرحت، واصلت أحلام حديثها قائلة: عندي دلوقتي أغنية نزلت حققت أكتر من مليون مشاهدة خلال 24 ساعة، وبحب إن الناس متنساش الفخامة وأصل الفن، ولو غنينا أغاني سريعة بحب أغني المقابلة من وأنا صغيرة، وما زلت أعشق النوع ده من الأغاني، واللي ميز هذا العمل إنه من إخراجي، وكنت بدي تعليقات على أماكن التصوير والإضاءة واخترت كل لوكشين صورت فيه.. ومعنديش مانع أخرج لحد فيديو كليب.